मेहकर (जि. बुलडाणा) : येथील १३ वर्षीय बालक ट्रॅक्टरच्या धडकेत ठार झाल्याची घटना २८ जानेवारी रोजी रात्री दरम्यान जानेफळ रस्त्यावर घडली. यासंदर्भात सविस्तर वृत्त असे की, जानेफळकडून ऊस घेऊन मेहकरकडे येणार्या एम.एच.२८.ए.जे.0५५३ क्रमांकाच्या ट्रॅक्टरने येथील दीपक शंकर कांबळे (१३) बालकाला जानेफळ रोडवर रस्ता ओलांडत असताना जबर धडक दिली. त्यामध्ये दीपक गंभीर जखमी झाला होता. दरम्यान, त्याच्यावर तत्काळ येथील एका रुग्णालयात प्राथमिक उपचार करण्यात आले. त्यानंतर पुढील उपचारार्थ त्याला औरंगाबादला नेत असताना रस्त्यातच दीपकचा मृत्यू झाला. याप्रकरणी शंकर सखाराम कांबळे (३0) यांनी फिर्याद दिली आहे. त्यावरून पोलिसांनी ट्रॅक्टरचालक दिलीप उत्तम पवार रा. खामगाव खापरखुटी ता. सिंदखेडराजा याच्याविरुद्ध २७९, ३0४ (अ) भादंविनुसार गुन्हा दाखल केला आहे.
{{#config.logo.enabled}}
{{/allowed}}