कंटेनरची धडक; पाच जखमी

स्कार्पिओ वाहनाची व कंटेनरची सुलतानपूर पुलाजवळ जोरदार धडक झाली.

मेहकर : भरधाव वेगात येणार्‍या एका स्कार्पिओ वाहनाची व कंटेनरची सुलतानपूर पुलाजवळ जोरदार धडक झाली. या अपघातात ५ जण जखमी झाल्याची घटना ३ जुलै रोजी घडली.
यासंदर्भात हकीकत अशी की, मेहकरवरुन लोणारकडे जाणार्‍या स्कॉर्पिओ क्रमांक एम.एच.२८ व्ही.५११३ ला समोरुन येणार्‍या एम.एच.0४- एफ.टी.३६३४ ने सुलतानपूर पुलाजवळ जोरदार धडक दिली. या अपघातात स्कॉर्पिओमधील सलीम खान कलीमखान (२0), महमद तौसीन म.युनूस (१९), सैय्यद वसीम सैय्यद सलीम, नसीम खान सरफराज खान (१८) व शेख मोहसिन शे.मोबीन हे पाचजण जखमी झाले. जखमींना तात्काळ येथील एका खाजगी रुग्णालयात दाखल करण्यात आले होते. वृत्तलिहिस्तोवर पोलिस तपास सुरू होता.