लोकमत न्यूज नेटवर्क
चिखली : चिखली मतदारसंघाच्या माजी आमदार रेखाताई खेडेकर यांची १२ एप्रिल रोजी एकसष्ठी आहे. त्यांच्या हीरकमहोत्सवी वाढदिवसानिमित्त त्यांच्या सर्वव्यापी कारकिर्दीवर आधारित जनरेखा या गौरवग्रंथाची निर्मिती करण्यात आली आहे. या गौरवग्रंथाचे प्रकाशन पालकमंत्री डॉ. राजेंद्र शिंगणे यांच्या हस्ते तर खा. प्रतापराव जाधव यांच्या अध्यक्षतेखाली सोमवारी सायंकाळी ६ वाजता ऑनलाईन पद्धतीने पार पडणार आहे.
कोरोनाच्या पार्श्व भूमीवर ऑनलाईन पद्धतीने पार पडणाऱ्या या गौरवगंथाच्या प्रकाशन सोहळ्यास आ. श्वेता महाले, संजय कुटे, संजय रायमुलकर, आकाश फुंडकर, संजय गायकवाड, राजेश एकडे, जि. प. अध्यक्षा मनीषा पवार, चिखलीच्या नगराध्यक्ष प्रिया बोंद्रे, माजी आमदार बाबूराव पाटील, भारत बोंद्रे, राहुल बोंद्रे यांची प्रमुख उपस्थिती राहणार आहे. सुमारे चारशे पानांच्या जनरेखा या गौरवग्रंथात रेखाताई खेडेकर यांची १५ वर्षांची आमदारकी, त्यांचे मराठा सेवा संघात योगदान, कुटुंब आणि नातेवाईक यांच्या सुख-दु:खात पार पाडलेली जबाबदारी, एक सुसंस्कृत व खंबीर पत्नी म्हणून अॅड. पुरुषोत्तम खेडेकरांना दिलेली खंबीर साथ या व इतर बाबतीतील सर्व माहितीचा अंर्तभाव या ग्रंथात करण्यात आला आहे. या गौरवग्रंथात केंद्रीय मंत्री नितीन गडकरी यांच्यासह अनेक दिग्गज मान्यवरांचे शुभेच्छासंदेशही प्रकाशित करण्यात आले आहेत. गौरवग्रंथ आणि उपरोक्त कार्यक्रमासाठी पांडुरंग खेडेकर, पंडितराव देशमुख, सौरभ खेडेकर, कपिल खेडेकर, बाळासाहेब ठाकरे आदींनी मेहनत घेतली आहे.
फेसबुक लाईव्हच्या माध्यमाने सहभागी व्हा !
कोरोनाचा वाढता प्रादुर्भाव पाहता चिखली येथून जनरेखा गौरवग्रंथाच्या प्रकाशनाचा कार्यक्रम फेसबुक लाईव्हद्वारे आयोजित करण्यात आला आहे. या पार्श्वभूमीवर कोणीही प्रत्यक्ष उपस्थित न राहता ऑनलाईन पद्धतीने असाल तेथून सहभागी व्हावे, प्रत्यक्ष भेट व उपस्थिती टाळावी, असे आवाहन जिजाऊसृष्टीचे व्यवस्थापकीय अध्यक्ष सुभाषराव कोल्हे, वीर भगतसिंग विद्यार्थी परिषदेचे राष्ट्रीय कार्याध्यक्ष विनोद बोरे यांच्यासह रेखाताई खेडेकर एकसष्ठी सत्कार व गौरवग्रंथ प्रकाशन समितीने केले आहे.
..............................