कर्ज हस्तांतरण मोहिमेत शेतक-यांना एक टक्का व्याजाने कर्ज

६१ हजार थकीत कर्जदार शेतकरी ; १६६ शाखेवर राबविणार मोहीम.

बुलडाणा : जिल्हा केंद्रीय सहकारी बँकेचे थकबाकीदार असलेल्या ६१ हजार ४१0 शेतकर्‍यांना सध्या कोणत्याही बँकेकडून पीककर्ज मिळत नाही. त्यामुळे आर्थिक संकटात सापडलेल्या या वंचित शेतकर्‍यांना पेरणीसाठी कर्ज उपलब्ध करून देण्यासाठी येत्या १७ जुलैपासून जिल्ह्यात ह्यकर्ज हस्तांतरण मोहीमह्ण राबविण्यात येणार असून, केवळ एक टक्का दराने या शेतकर्‍यांना कर्ज उपलब्ध करून देण्यात येणार असल्याची माहिती जिल्हाधिकारी किरण कुरुंदकर यांनी गुरूवारी घेतलेल्या पत्रकार परिषदेत दिली. जिल्ह्यातील राष्ट्रीयीकृत व ग्रामीण बँकेच्या १६६ शाखांवर ही मोहीम राबविण्यात येणार आहे. याकामी ३२0 कर्मचारी कार्यरत करण्यात येणार असल्याचेही त्यांनी यावेळी सांगितले. मागील सन २0१0 ते २0१३ पर्यंंंत झालेल्या कर्जवाटपामध्ये जवळपास ६१ हजार ४१0 शेतकरी थकबाकीदार आहेत. थकीत कर्जासाठी १३.५0 टक्के व्याज सुरू असून, शेतकर्‍यांनी या कर्जहस्तांतरण मोहिमेचा फायदा घेतल्यास अशा शेतकर्‍यांना अतिरिक्त व्याजाचा भुर्दंंंड पडणार नाही व शासनाच्या तीन टक्के पंजाबराव देशमुख व्याज सवलत योजनेचा लाभ मिळणार असल्याने एक लाखापर्यंंंतच्या कर्जदारास केवळ एक टक्का व्याज दराने कर्ज उपलब्ध होणार असल्याचेही जिल्हाधिकारी म्हणाले, तर जिल्हा उपनिबंधक नीळकंठ करे यांनी, राष्ट्रीयीकृत व ग्रामीण बँकेच्या शाखेमध्ये शेतकर्‍यांचे दस्तावेज प्राप्त झाल्यानंतर संबंधित शेतकर्‍यांना बँकेमध्ये उपस्थित राहण्यासाठी संबंधित शाखाधिकारी तारीख निश्‍चित करतील, तसेच काही दस्तावेज कमी असल्यास कोणते कागद कमी आहेत, हे संबंधित जिल्हा बॅकेच्या संपर्क समन्वय अधिकार्‍यास सुचवतील. मंजूर झालेल्या प्रकरणात रक्कम अदा करताना शेतकर्‍याकडे असलेली थकीत कर्जाची रक्कम संबंधित संस्था किंवा जिल्हा बँकेकडे वर्ग करतील व उर्वरित रक्कम संबंधित शेतकर्‍याच्या खात्यात जमा करतील, अशी माहिती दिली.