आज देशव्यापी बंद

देशभरातील २.५ लाखापेक्षा अधिक विक्री व वैद्यकीय प्रतिनिधी उद्या २ सप्टेंबरला ११ मध्यवर्ती कामगार संघटना व राष्ट्रीय औद्योगिक...

भंडारा : देशभरातील २.५ लाखापेक्षा अधिक विक्री व वैद्यकीय प्रतिनिधी उद्या २ सप्टेंबरला ११ मध्यवर्ती कामगार संघटना व राष्ट्रीय औद्योगिक फेडरेशनच्या आवाहनानुसार केंद्र सरकारच्या जनता व कामगार विरोधी धोरणांच्या विरोधात एकदिवसीय अखिल भारतीय देशव्यापी बंदमध्ये सहभागी होणार आहेत.देशातील औषध उद्योगासहित संरक्षण, रेल्वे, विमा व किरकोळ व्यापार क्षेत्रात थेट परकीय गुंतवणूक बंद करा, भारतातील यु.एस.एफ.डी.ए. चे कार्यालय बंद करा तसेच औषध उद्योग क्षेत्रातील आस्थापने यांचे पुनरुज्जीवन करा, जीवनावश्यक औषधांवरील अबकारी व विक्री कर रद्द करा, विक्री संवर्धन कर्मचारी कायद्यानुसार सर्वच वैद्यकीय प्रतिनिधींचे कामाचे स्वरुप कायद्याद्वारे निश्चित करा, तसेच किमान वेतन २० हजार घोषित करा, नकली व बनावटी औषध कंपन्यांवर कारवाई करा, वैद्यकीय प्रतिनिधींना तासांचे काम द्या, औद्योगिक त्रिपक्षीय समितीची स्थापना करा, महिला वैद्यकीय प्रतिनिधींना ६ महिन्यांची बाळंतपणाची रजा द्या, तसेच सर्व कामगार कायद्यातील मालक धार्जीणे व कामगार विरोधी बदल रद्द करा, देशासाठी संपत्ती निर्माण करण्या, देशाचे निर्माण करणाऱ्या व मालक वर्गाचा नफा ज्यांच्या श्रमावर अवलंबून आहे अशा देशाीतल कामगार वर्गावर होणाऱ्या हल्ल्याला हाणून पाडण्यासाठी व त्यांना परतवून लावण्यासाठी सर्वच कामगार संघटनांच्या संयुक्त समितीने देशव्यापी बंद ची हाक दिली आहे. सकाळी ११ वाजता संघटनेच्या कार्यालयापासून ते जिल्हाधिकारी यांच्या कार्यालयापर्यंत मोर्चा निघणार आहे. (शहर प्रतिनिधी)