महिला रूग्णालयासाठी ४३ कोटींचा प्रस्ताव

जिल्हा पातळीवरील गाजत असलेला महिला रूग्णालयाच्या बांधकामाच्या संदर्भाने जिल्हा प्रशासनाने एक पाऊल टाकले आहे.

कासवगती कायम : जलशुद्धीकरण केंद्रामागील जागा ‘फिक्स’ इंद्रपाल कटकवार भंडाराजिल्हा पातळीवरील गाजत असलेला महिला रूग्णालयाच्या बांधकामाच्या संदर्भाने जिल्हा प्रशासनाने एक पाऊल टाकले आहे. शंभर खाटांचे महिला रूग्णालय बांधकामासाठी ४३ कोटी ६० लक्ष रूपयांचा खर्च होणार असल्याचा प्राथमिक प्रस्ताव तयार करण्यात आला आहे. या संदर्भात प्रशासकीय मंजुरीची प्रतीक्षा आहे. निर्णयावर अजुनपर्यंत ठोस निर्णय झालेला नाही. रूग्णालय बांधकाम संबंधी कासवगतीने सुरू असलेल्या या ्रकारभाराने शासन-प्रशासनाची ‘इमेज’ दावणीला टांगली आहे.विशेष म्हणजे पालकमंत्री डॉ. दीपक सावंत यांनी १६ महिन्यांपूर्वी घोषणा केली होती. यात १५ आॅगस्ट २०१५ रोजी महिला रूग्णालयाच्या कामाचे भूमिपुजन करू अशी घोषणा केली होती. सव्वा वर्षांचा कालावधी लोटुनही साधे भुमिपुजन झालेले नाही. महिला रूग्णालयाचे बांधकाम जलशुध्दीकरण केंद्राच्या मागील बाजूस होणार आहे. महिला रूग्णालय ज्या जागेत बांधण्यात येणार आहे, त्या जागेच्या संदभार्तील सर्व ना हरकत प्रमाणपत्र मिळाल्याची माहिती तत्कालीन जिल्हाधिकारी धीरजकुमार यांनी १ मे २०१६ रोजी दिली होती. या जागेची पाहणी पालकमंत्री डॉ. दीपक सावंत यांनी केली होती. मात्र या जागेच्या सातबाराबात तांत्रिक अडचणी कायम आहेत. महिला रूग्णालयाच्या मुद्यावर आंदोलने झालीत, जिल्हा परिषदेसह विविध ठिकाणी झालेल्या अभेतही रूग्णालयाचा मुद्दा तापला गेला. परंतु याप्रकरणाच्या ‘प्रगती’ची कासवगती आजही कायम आहे, हे येथे उल्लेखनीय.रस्त्यांचेही होणार विस्तारीकरण!कित्येक वर्षांपासून जिल्हा मुख्यालय स्थळी महिला रूग्णालय व्हावे, ही मागणी हळूहळू पूर्ण होण्याच्या प्रशासकीय तयारीच्या अंतिम टप्प्यात आहे. ज्या ठिकाणी सदर रूग्णालय बांधण्यात येणार आहे, त्या जागा परिसरात अतिक्रमणाचीही समस्या आहे. यावरही आरोग्य प्रशासनाने लक्ष केंद्रीत केले आहे. आता असलेल्या जिल्हा सामाण्य रूग्णालय ते बसस्थानकाकडे जाणारा रस्ता जलशुद्धीकरण केंद्र व शासकीय अन्नधान्य गोदाम असलेल्या रस्त्याचे विसञतारीकरण करण्याचा मानस आहे. जिल्हा सामान्य रूग्णालय तथा जिल्हा महिला रूग्णालयाची इमारत आमोरासमोर होणार असल्याने याचा फायदा रूग्णांना होईल. मोठा बाजार परिसराला हा भाग लागुन असल्याने भविष्यात येथे रहदारी निश्चितपणे वाढणार आहे, यात तिळमात्र शंका नाही. महिला रूग्णालयासाठी पालकमंत्र्यांनी पाहणी केलेली जागा निश्चित झाली आहे. रूग्णालय बांधकामासाठी ४३ कोटी ६० लक्ष रूपयांचा प्रस्ताव सादर करण्यात आला आहे. प्रशासकीय मंजुरीच्या प्रतीक्षा आहे. रूग्णालयाच्या जागेसंबधी तांत्रिक अडचणी दुर होताच बांधकामाचा मार्ग सुकर होऊ शकेल. .रवी धकाते,जिल्हा शल्य चिकित्सक, भंडारा.