October Baby Astro: कसे असतात ऑक्टोबरमध्ये जन्माला आलेले लोक? स्वभाव, गुण, दोष; सगळंच जाणून घ्या

October Baby Astro: प्रत्येक महिन्याच्या ग्रहस्थितिचा परिणाम त्या महिन्यात जन्माला आलेल्या व्यक्तीवर होतो, ऑक्टोबर वाढदिवस आता सुरू होतील, त्यानिमित्त पाहू त्यांचे गुण दोष!

आपल्या वाढदिवसाचा महिना येणार कळताच आपण खुशीत असतो. एकाच महिन्यात वाढदिवस असलेली व्यक्ति सापडली तर तिच्यात आणि आपल्यात आपण साधर्म्य शोधतो. हेच ज्योतिष शास्त्राच्या दृष्टिकोनातून जाणून घेऊ. कारण प्रत्येक दिवशी प्रत्येक क्षणी ग्रहस्थितीप्रमाणे प्रत्येक व्यक्तीचे भविष्य बदलते. मात्र ढोबळ मानाने महिन्याचे भाकीत तसेच व्यक्तीवर प्रभाव जाणून व्यक्तिमत्त्वाचे गुण दोष संगितले जातात. ऑक्टोबर सुरू होत आहे, तर ऑक्टोबरमध्ये जन्मलेल्या लोकांचे(October Baby Astro 2025) भाकीत जाणून घेऊ. 

जर तुमचा जन्म ऑक्टोबर महिन्यात झाला असेल तर ज्योतिषशास्त्र सांगते की तुम्ही शांतीप्रिय आणि शांतिदूत असता. जन्मतः हुशार व्यक्तिमत्त्व अशी तुमची ओळख असल्याने लोकांना तुमचा हेवा वाटतो.बालपणी दिसायला ठीक ठाक, पण तुमचे वय जसजसे वाढत जाते, तसतसे तुमचे सौंदर्य आणि आरोग्य सुधारते आणि तुमच्या व्यक्तिमत्त्वाची छाप इतरांवर पडते. 

October 2025 Astro: ऑक्टोबर घेऊन येतोय दसरा दिवाळी, सोबतच 'या' राशींच्या भाग्याला झळाळी!

तुमच्या भोवती मित्रांचा गराडा नसतो, कारण तुम्ही मोजक्या लोकांशी बोलणे पसंत करता. तुम्ही स्वतःला ओळखण्यात कमी पडत असाल, तर तुमच्या व्यक्तिमत्त्वाची ओळख करून घेण्यासाठी उत्तम मार्गदर्शकांची मदत घ्या. कारण तुमच्या ठायी उत्तम कलाकौशल्य असते. 

सुंदर असणे आणि सुंदर दिसणे यात फरक आहे. तुम्ही सुंदर दिसणाऱ्या लोकांपैकी आहात, जरी तुमचे नाक आणि शरीराची ठेवण साधी असली तरी तुमच्यामध्ये अशी एक मजबूत आकर्षण शक्ती असते, जी समोरच्यावर छाप पाडते. 

तुमच्याकडे अडचणींवर मात करण्याची शक्ती देखील आहे. अत्यंत निराशेच्या काळातही तुम्ही पुन्हा पुन्हा बाहेर पडता. आपण कोणत्याही समस्येवर त्वरित प्रतिसाद देण्यापासून स्वतःला वाचवता. वेळेनुसार आपला मुद्दा मांडणे आणि मोजके पण प्रभावी बोलणे ही आपली ओळख आहे. शब्द वाया घालवू नका पण योग्य वेळी योग्य शब्द टाकणे ही जबाबदारी ओळखा. याच गुणामुळे तुम्ही उत्तम राजकारणी होऊ शकता. 

Navratri 2025: नवरात्रीचे शेवटचे दोन दिवस महत्त्वाचे; घरी कुंकुमार्चन करून मिळवा देवी कृपा!

बरेचदा तुमचे प्रेम यशस्वी होत नाही कुटुंबाचे सहकार्य देखील मिळत नाही. अशा वेळी प्रसंगाला धीराने तोंड द्या. जर प्रेमाच्या बाबतीत यशस्वी ठरलात तर तुमचा भाग्योदय निश्चित होतो. 

तंत्रज्ञान, राजकारण, कला, अभिनय, व्यवसाय किंवा औषध यांसारखी क्षेत्रे तुमच्यासाठी योग्य आहेत. आपण आपल्या क्षेत्रात अव्वल स्थान मिळवल्यावर कसे टिकवून ठेवायचे याचा अभ्यास करा. नेहमी मोठी स्वप्न पहा आणि ते पूर्ण करा.

Dussehra 2025: मृत्युच्या शेवटच्या क्षणी रावणाने लक्ष्मणाला दिलेला कानमंत्र माहितीय का?

ऑक्टोबरमध्ये जन्मलेल्या मुली दिसायला सुंदर असतात. त्यांचे डोळे आकर्षक असतात. मनाची थोडीशी मुत्सद्दी असते, पण ती इतरांना हानी पोहचवत नाही. प्रेमाच्या बाबतीत त्या भाबड्या असतात आणि यशस्वी ठरतात. त्यांच्यात प्रचंड आत्मविश्वास असतो पण त्यांना कोणावर तरी अवलंबून राहायची वाईट सवय असते. आत्मनिर्भर बना. आणि तुमच्या महिन्यात जन्मलेल्या यशस्वी लोकांचा आदर्श कायम डोळ्यासमोर ठेवा! 

जसे की, डॉ. एपीजे अब्दुल कलाम, महात्मा गांधी, सरदार वल्लभ भाई पटेल, लाल बहाद्दूर शास्त्री, अमिताभ बच्चन, रेखा, अमित शहा, हेमा, इ.