Marriage: लग्नात आधी वधू वरमाला का घालते? त्यामागे काय आहे धार्मिक आणि सामाजिक कारण 

Marriage Rituals: विवाह पद्धतीत प्रत्येक रितीमागे शास्त्रार्थ दडलेला आहे, लग्न लागते वेळी वरमाला घालताना वधूला तो माग का? याचे कारण जाणून घेऊ. 

भारतीय विवाह समारंभात वरमाला (जयमाला) विधीला अत्यंत महत्त्व आहे. हा विधी केवळ दोन व्यक्तींचे मिलन आणि दोन आत्म्यांनी एकमेकांना सहधर्मचारी म्हणून स्वीकारण्याचा पहिला सार्वजनिक करार असतो. पण, तुम्ही कधी विचार केला आहे का की, या विधीमध्ये वधू नेहमी प्रथम वराला वरमाला का घालते?

या प्रथेमागे ज्योतिषशास्त्र, धर्म आणि सामाजिक समजुतींची एक सुंदर जोड आहे.

Astrology: नवीन वर्षात नवीन वास्तूमध्ये प्रवेश करण्यासाठी २०२६ मधील तारखा आणि शुभ मुहूर्त 

१. ज्योतिषीय आणि धार्मिक कारण 

वरमाला विधीत वधू प्रथम माळ घालते, यामागे दोन मुख्य ज्योतिषीय आणि धार्मिक धारणा आहेत:

अ. लक्ष्मी आणि विष्णूचे मिलन

हिंदू धर्मात विवाहाची तुलना देवी लक्ष्मी (धन आणि समृद्धी) आणि भगवान विष्णू (पालनकर्ता) यांच्या मिलनशी केली जाते. म्हणून नवदाम्पत्याला विष्णूलक्ष्मीची जोडी संबोधले जाते. 

वधू लक्ष्मीचे प्रतीक: वधूला लक्ष्मीचे स्वरूप मानले जाते. जेव्हा वधू प्रथम वरमाला घालते, तेव्हा लक्ष्मी आपल्या स्वामीला स्वीकारते, ज्यामुळे घरात सौभाग्य आणि समृद्धी येते.

वर विष्णूचे प्रतीक: वराला विष्णूचे रूप मानले जाते, जो जगाचा पालक आहे. वराने विष्णुरूपाप्रमाणे आपल्या पत्नीचा आजन्म सांभाळ करावा असे वचन दिले जाते. 

ब. समर्पणाची भावना

वरमाला घालणे हे केवळ स्वीकारणे नाही, तर प्रेम आणि समर्पणाची भावना दर्शवते. वधू प्रथम वरमाला घालून, तो (वर) तिच्या जीवनातील सर्वोच्च स्थान आणि आधारस्तंभ आहे, हे सिद्ध करते. ही गोष्ट वधूकडून प्रथम समर्पण दर्शवते.

२. व्यावहारिक आणि सामाजिक कारण

या धार्मिक कारणांव्यतिरिक्त, या प्रथेमागे काही व्यावहारिक आणि सामाजिक कारणे देखील आहेत:

अ. नवीन जीवनाची सुरुवात

वरमाला विधीद्वारे वधू वराला 'तूच माझा पती आणि मार्गदर्शक आहेस' असे सांकेतिकरित्या सांगते. वधू जेव्हा प्रथम वराला स्वीकारते, तेव्हा ती आपल्या नवीन वैवाहिक जीवनाची शुभ आणि सकारात्मक सुरुवात करते.

Vastu Tips: २०२५ संपण्याआधी घरात आणा 'या' ५ शुभ वस्तू, ज्या करतील २०२६ मध्ये भाग्योदय

ब. उत्साह आणि आनंद

वधू जेव्हा वरमाला घालण्यासाठी पुढे सरसावते, तेव्हा हा क्षण उत्साह आणि आनंदाचा असतो. अनेक ठिकाणी वधूचा उत्साह वाढवण्यासाठी तिच्या बाजूचे लोक तिला उचलतात, मात्र तसे करणे शास्त्रमान्य नाही. ही दाम्पत्य जीवनाची मंगलमय आणि उत्साही सुरुवात असल्याने तिथे कोणतेही बालिश प्रकार करू नये असे पुरोहितांकडून सुचवले जाते. 

थोडक्यात, लग्नात वधू प्रथम वराला वरमाला घालून केवळ त्याला केवळ स्वीकारत नाही, तर ती घरात लक्ष्मीचे आगमन आणि समृद्धीची स्थापना करते, अशी पवित्र भावना या विधीमागे आहे आणि तिच्या या निर्णयासमोर वर मान तुकवून आपल्या आयुष्यात तिचे स्वागत करतो. 

Numerology: 'या' जन्मतारखेच्या मुलींमध्ये असतो कमालीचा आत्मविश्वास आणि सौंदर्याचा अहंकारही