Makar Sankranti 2026: आरोग्याचे संरक्षण कवच हवे असेल तर मकरसंक्रांतीपासून रोज म्हणा 'हे' स्तोत्र!

Makar Sankranti 2026: सूर्य उपासनेचे वेगवेगळे प्रकार आहेत, मकर संक्रांतीचा दिवस त्या दृष्टीने महत्त्वाचा, या उपासनेचा एक भाग म्हणून सविस्तर माहिती जाणून घ्या. 

हिंदू धर्मात सूर्याला 'साक्षात देवता' मानले गेले आहे. ज्याप्रमाणे सूर्य संपूर्ण जगाचा अंधार दूर करतो, त्याचप्रमाणे सूर्याची उपासना मनुष्याच्या जीवनातील दु:ख, दारिद्र्य आणि आजारपण नष्ट करते. 'झील न्यूज' च्या संदर्भावरून, आपल्या प्रगतीसाठी आणि संरक्षणासाठी सूर्य कवच आणि सूर्य स्तोत्र यांचे महत्त्व खालीलप्रमाणे आहे.

Makar Sankrant 2026: संक्रांत साजरी करता, पण आदला आणि नंतरचा दिवस का महत्त्वाचा माहितीय?

सूर्य स्तोत्र आणि कवचाचे महत्त्व

सूर्य कवच हे भगवान सूर्याच्या शक्तीचे एक संरक्षक कवच मानले जाते. याचे नियमित पठण केल्याने व्यक्तीला केवळ मानसिक शांती मिळत नाही, तर जीवनात खालील सकारात्मक बदल घडतात:

आरोग्य प्राप्ती: सूर्याला आरोग्याचा कारक मानले जाते. डोळ्यांचे विकार, हाडांचे आजार आणि त्वचेच्या समस्यांपासून सुटका मिळवण्यासाठी सूर्य स्तोत्र रामबाण उपाय आहे.

कार्यात यश (Good Luck): नोकरी किंवा व्यवसायात वारंवार येणारे अडथळे दूर होऊन प्रगतीचे मार्ग मोकळे होतात.

नकारात्मकतेपासून संरक्षण: सूर्य कवच शरीराभोवती एक संरक्षक वलय निर्माण करते, ज्यामुळे शत्रूबाधा आणि नकारात्मक ऊर्जेपासून संरक्षण मिळते.

आत्मविश्वास वाढतो: ज्यांचा सूर्य पत्रिकेत कमकुवत आहे, त्यांना सूर्याच्या या मंत्रांमुळे प्रचंड आत्मविश्वास मिळतो.

Ritual: सावधान! तुम्हीही मंदिरात मूर्तीच्या मागच्या बाजूला डोकं टेकवता का? आधी 'हे' वाचा

पठण करण्याची योग्य पद्धत

१. वेळ: सूर्योदयाच्या वेळी हे पठण करणे अत्यंत प्रभावशाली ठरते. २. शुद्धता: स्नान करून स्वच्छ कपडे परिधान करावेत. ३. दिश: सूर्याकडे तोंड करून किंवा पूर्वेकडे तोंड करून बसावे. ४. अर्ध्य: पठणापूर्वी तांब्याच्या पात्रातून सूर्याला जल अर्पण करावे.

सूर्य स्तोत्राचा थोडक्यात भावार्थ

सूर्य स्तोत्रात भगवान सूर्याच्या विविध नावांचे (जसे की आदित्य, भास्कर, प्रभाकर) वर्णन केले आहे. "हे तेजोमय देवा, तू सर्व जगाचा आत्मा आहेस, तुझ्या प्रकाशामुळेच सृष्टी चैतन्यमय आहे. माझ्या बुद्धीला सन्मार्ग दाखव आणि माझे रक्षण कर," अशी प्रार्थना या स्तोत्रात केली जाते.