Holashtak 2026: येत्या आठ दिवसात काहीही खरेदी करण्यापूर्वी 'हे' वाचा; सुरु होत आहे होलाष्टक!

Holashtak Do's And Dont's: होलाष्टक २०२६: २४ फेब्रुवारी ते ४ मार्च होलाष्टकाच्या या ८ दिवसांत काय करावे आणि काय टाळावे ते जाणून घ्या. 

होळीच्या आधीचे आठ दिवस म्हणजे 'होलाष्टक' (होळी + अष्टक). या काळात ग्रहांची स्थिती काहीशी उग्र असते, ज्यामुळे मानवी मनावर आणि निर्णयांवर त्याचा परिणाम होऊ शकतो. शास्त्रानुसार, या काळात कोणतेही नवीन किंवा मांगलिक कार्य करणे टाळावे.

Holika Dahan 2026: यंदा होळीत द्या 'या' ८ वस्तूंची आहुती; दारिद्र्य, रोगराई, गृहक्लेशातून मिळेल मुक्ती

होलाष्टक का पाळले जाते? (धार्मिक कारण)

पौराणिक कथेनुसार, याच काळात हिरण्यकश्यपूने आपला पुत्र प्रल्हाद याला विष्णू भक्ती सोडण्यासाठी प्रचंड त्रास दिला होता. या ८ दिवसांत प्रल्हादाला विविध प्रकारे मारण्याचा प्रयत्न झाला, पण त्याची भक्ती ढळली नाही. शेवटी आठव्या दिवशी होलिका दहन झाले. प्रल्हादाला दिलेल्या या त्रासामुळे हा काळ अशुभ मानला जातो.

होलाष्टक काळात 'या' गोष्टी आवर्जून करा 

जरी हे दिवस शुभ कार्यासाठी वर्ज्य असले, तरी आध्यात्मिक साधनेसाठी हे दिवस अत्यंत फलदायी मानले जातात:

>> नामस्मरण आणि मंत्रजाप: या काळात जास्तीत जास्त इष्ट देवाचे नामस्मरण करावे. विशेषतः 'ओम नमो भगवते वासुदेवाय' किंवा 'महामृत्युंजय मंत्राचा' जप करणे शुभ मानले जाते.

>> दानधर्म: गरिबांना अन्न, वस्त्र किंवा धान्य दान केल्याने ग्रहांचे दोष दूर होतात आणि पुण्य मिळते.

>> भक्तीची शक्ती: भक्त प्रल्हादाप्रमाणे संकटातही आपली श्रद्धा डळमळीत होऊ न देणे हा या काळाचा खरा संदेश आहे.

>> साफसफाई: होळीच्या आधी घराची स्वच्छता करावी, जेणेकरून घरातील नकारात्मक ऊर्जा बाहेर जाईल.

होलाष्टक २०२६: होलाष्टकाचा दुष्परिणाम टाळण्यासाठी होळीपूर्वी ८ दिवस राशीनुसार काय करावे आणि काय टाळावे?

होलाष्टक काळात 'या' गोष्टी टाळा (Don'ts)

होलाष्टकात ग्रहांचे स्वरूप उग्र असल्याने नवीन सुरुवात करणे टाळावे:

>> विवाह आणि सोहळे: या ८ दिवसांत लग्न, साखरपुडा किंवा मुंज यांसारखी मंगल कार्ये केली जात नाहीत.

>> गृहप्रवेश आणि भूमीपूजन: नवीन घरात प्रवेश करणे किंवा नवीन वास्तूचे काम सुरू करणे या काळात वर्ज्य आहे.

>> नवीन खरेदी: नवीन गाडी, घर किंवा सोन्या-चांदीचे दागिने खरेदी करणे या काळात टाळलेले चांगले.

व्यावसायिक सुरुवात: नवीन व्यवसाय किंवा नोकरीची सुरुवात या काळात करू नये, असे मानले जाते.

Astro Tip: तुळस अचानक वेगाने वाढण्यामागे दडलेत 'हे' शुभ संकेत; वाचा ज्योतिषशास्त्रातील थक्क करणारे खुलासे

ज्योतिषशास्त्रीय महत्त्व

ज्योतिषशास्त्रानुसार, होलाष्टकाच्या काळात चंद्र, सूर्य, शनि, मंगळ, गुरु, शुक्र, बुध आणि राहु हे आठ ग्रह उग्र होतात. त्यामुळे या काळात घेतलेले मोठे निर्णय अनेकदा चुकू शकतात किंवा कार्यात अडथळे येऊ शकतात. म्हणून मनाला शांत ठेवून केवळ भक्तीवर लक्ष केंद्रित करावे.