Astro Tips: कर्जाचा पहिला हप्ता मंगळवारीच का फेडावा? जाणून घ्या ज्योतिषीय आणि धार्मिक कारण!

Astro Tips: डोक्यावर कर्जाचे ओझे कोणालाही असह्यच वाटते, ते वेळेत फेडता यावे आणि ऋणमुक्त होता यावे यासाठी मंगळवारी दिलेले उपाय करा. 

कर्ज (Debt) आणि आर्थिक ताण हा आजकालच्या जीवनातील एक मोठा भाग बनला आहे. या कर्जातून लवकर मुक्त होण्यासाठी अनेकजण ज्योतिषीय उपाय आणि धार्मिक पद्धतींचा आधार घेतात. यापैकीच एक प्रचलित मान्यता म्हणजे, मंगळवारी कर्ज फेडल्यास त्या कर्जातून लवकर सुटका होते.

विनायक चतुर्थी २०२५: मार्गशीर्ष विनायक चतुर्थी ठरणार खास, गणेशकृपेने ९ राशींची पूर्ण होणार आस!

या मान्यतेमागील ज्योतिषीय आणि धार्मिक कारणे काय आहेत, तसेच मंगळवारी काय करावे आणि काय टाळावे, याबद्दल माहिती घेऊया.

१. ज्योतिषीय कारण: मंगळ ग्रह आणि ऋणमुक्ती

हिंदू धर्म आणि ज्योतिषशास्त्रानुसार, प्रत्येक वार एका विशिष्ट ग्रहाला समर्पित असतो.

मंगळवार आणि मंगळ ग्रह: मंगळवार हा मंगळ (Mars) ग्रहाशी संबंधित आहे. मंगळ ग्रह हा युद्ध, ऊर्जा, भूमी आणि साहसाचा कारक आहे. त्याचबरोबर, ज्योतिषशास्त्रात मंगळ ग्रहाला 'ऋण' (कर्ज) आणि 'रण' (संघर्ष) यांचाही कारक मानले जाते.

कर्ज फेडण्याची क्रिया: ज्योतिषीय मान्यतेनुसार, जेव्हा मंगळवारी कर्ज फेडण्याची क्रिया सुरू केली जाते, तेव्हा मंगळ ग्रहाच्या नकारात्मक ऊर्जेचा प्रभाव कमी होतो. याचा अर्थ असा की, ज्या ग्रहामुळे कर्ज आणि संघर्ष निर्माण झाला, त्याच ग्रहाच्या दिवशी कर्जाची परतफेड सुरू केल्यास तो संघर्ष लवकर संपतो आणि कर्जमुक्तीचा मार्ग सुकर होतो.

Datta Jayanti: दत्त नवरात्र सुरू होत आहे, नित्य उपासनेत समाविष्ट करा 'हे' दत्त स्तोत्र!

२. धार्मिक कारण: संकटमोचक हनुमान

मंगळवार हा दिवस परम बलवान आणि संकटमोचक हनुमानाला समर्पित आहे.

हनुमानाची कृपा: मंगळवारी हनुमानाची पूजा, उपवास किंवा हनुमान चालीसा पठण केल्यास जीवनातील सर्व संकटे दूर होतात, असे मानले जाते. कर्जाचा ताण हे देखील एक मोठे संकटच असते.

उपाय: मंगळवारी कर्ज फेडल्यास, हनुमानाच्या कृपेने आर्थिक अडथळे दूर होतात आणि कर्जाची परतफेड करण्याची क्षमता वाढते.

सामुद्रिक शास्त्र: शरीराच्या कुठल्या भागावर 'तिळ' आहे, त्यानुसार समुद्र शास्त्र सांगते तुमचे भाकीत!

३. मंगळवारी कर्जमुक्तीसाठी काय करावे?

जर तुम्ही कर्जमुक्त होण्यासाठी प्रयत्न करत असाल, तर मंगळवारी हे सोपे उपाय करून पाहू शकता. 

पहिली परतफेड: तुम्ही कर्जाचा पहिला हप्ता किंवा कर्जाचा कोणताही लहान भाग मंगळवारीच फेडण्यास सुरुवात करा. यामुळे कर्ज फेडण्याची प्रक्रिया लवकर पूर्ण होते, अशी मान्यता आहे. 

हनुमानाची पूजा: मंगळवारी सकाळी अंघोळ करून हनुमामानाची पूजा करावी. 'ऋणमोचक मंगल स्तोत्र' किंवा हनुमान चालीसा वाचल्यास कर्जातून मुक्ती मिळवण्याची शक्ती मिळते.

कर्ज घेण्याचे टाळा: मंगळवारी कोणत्याही परिस्थितीत कर्ज घेणे टाळावे. या दिवशी घेतलेले कर्ज सहजासहजी फेडले जात नाही, असे मानले जाते.

गुळाचे सेवन: मंगळवारी गुळ आणि गव्हाचे पदार्थ खाणे शुभ मानले जाते.

Astro Tips: कुंडलीतील गुरुचे स्थान निश्चित करते, तुम्हाला संसार सुख मिळणार की वैराग्य!

टीप: धार्मिक उपाय आणि ज्योतिषीय श्रद्धा ही मानसिक बळ देतात. परंतु, आर्थिक नियोजन, अनावश्यक खर्च टाळणे आणि सातत्यपूर्ण कमाईचे प्रयत्न हेच कर्जमुक्त होण्याचे अंतिम आणि व्यावहारिक मार्ग आहेत.