बीड : कोरोना संसर्गाच्या पार्श्वभूमीवर शाळा बंद असल्याने राज्य शासनाने राज्यातील पहिली ते दहावीच्या विद्यार्थ्यांसोबत संवाद साधण्यासाठी व्हॉट्सॲपच्या माध्यमातून ‘स्वाध्याय’ (डिजिटल होम असेसमेंट योजना) उपक्रम सुरू केला. या उपक्रमात बीड जिल्हा राज्यात १४व्या स्थानी आहे. जिल्ह्यातील एक लाख १५ हजार ९०२ विद्यार्थी स्वाध्याय सोडवत असून, बहुपर्यायी उत्तरांमुळे या प्रश्नमंजूषेबद्दल विद्यार्थ्यांमध्ये आकर्षण वाढले आहे.
या माध्यमातून पहिली ते दहावीपर्यंतच्या सर्व इयत्तांमधील विद्यार्थ्यांकडे उपलब्ध असणाऱ्या मोबाइलवर 'क्विझ' (प्रश्नमंजूषा) पाठविण्यात येते. त्याच्या उपयोगातून शिक्षक, विद्यार्थी आणि पालक विद्यार्थ्यांच्या सद्य:स्थितीबद्दल नियमित माहिती मिळवू शकतात.
राज्यातील विद्यार्थ्यांच्या पायाभूत साक्षरता आणि संख्याज्ञानवाढीसाठी शासनाचा व्हाॅट्सॲप आधारित सराव हा अभिनव उपक्रम असून, राज्य शैक्षणिक संशोधन, प्रशिक्षण परिषदेच्या प्रयत्नांना चांगले यश आल्याचे दिसते.
फोनवर प्रश्नमंजूषा व त्याची उत्तरे सोडविताना विद्यार्थ्यांना उत्सुकता असते त्याचबरोबर दिलेल्या उत्तराची पडताळणी करताना कुतूहलही असते. कोरोनाकाळात जिल्ह्यातील विद्यार्थ्यांचा ‘स्वाध्याय’वर अभ्यास सुरू आहे.
एकूण विद्यार्थी : ५, १३, ५८०
स्वाध्यायसाठी जिल्ह्यात नोंदणी केलेले विद्यार्थी : १,५२,५९४
मराठी : १३,९१७
इंग्रजी : २४,०६०
उर्दू : १४,०७७
एकूण : १,५२,५९४
स्वाध्याय सोडविणारे विद्यार्थी : १,४८,८९६
मराठी : १११६४७
इंग्रजी : २३४०३
उर्दू : १३८४६
एकूण : १,४८, ८९६
--------
सुलभ आणि सोपे स्वाध्याय
यामध्ये मराठी, गणित व विज्ञान या विषयांचे स्वाध्याय दर शनिवार, रविवारी व्हाॅट्सॲपवर सराव म्हणून सोडवण्यासाठी येतात. हे स्वाध्याय सोडवल्यानंतर लगेच किती मार्क पडले ते कळते व त्याबाबतची उत्तरसूचीसुद्धा मेसेजद्वारे येते, जर कमी मार्क पडले असतील तर त्या प्रश्नांच्या अनुषंगाने माहिती असलेला दीक्षा ॲपवरील व्हिडिओची लिंक दिलेली असते. त्यामुळे तो व्हिडिओ पाहून पुन्हा त्या विषयाचा सखोल अभ्यास होतो.
------------
स्वाध्याय उपक्रम हा अतिशय चांगला उपक्रम आहे. मला यामुळे या उपक्रमाबाबत खूप आवड निर्माण झाली आहे, तसेच मी दर आठवड्याला या स्वाध्यायाची आतुरतेने वाट पाहत असते. उत्तरसूची मिळते, त्यामुळे कमी मार्क कोणत्या प्रश्नाला पडले व त्याचे उत्तर काय हे कळते.
यशश्री राहुल चाटे, इयत्ता चौथी
---------
स्वाध्याय उपक्रम मला सुरुवातीपासूनच आवडतो. सराव होतो. आनंद वाटतो. प्रश्न आल्यानंतर लगेच सोडविण्यासठी माझी तयारी असते. उत्तरांचे पर्याय असतात. कोडे सोडविल्यासारखे ते मी सोडवतो. कुठे चुकले ते उत्तरसूचीमुळे समजते. - समर्थ भगीरथ करपे, इयत्ता सातवी, जिल्हा परिषद प्र. शाळा कुमशी, ता. जि. बीड.
----------
बीड जिल्ह्यात जिल्हा परिषद सीईओंच्या मार्गदर्शनात स्वाध्याय उपक्रम राबविला जात आहे. शिक्षकांकडून चांगले योगदान मिळत असल्याने सध्या बीड जिल्हा चौदाव्या स्थानी आहे. २५ मार्च रोजी गटशिक्षणाधिकाऱ्यांची बैठक होऊन प्रत्येक पालकांपर्यंत स्वाध्याय पोहोचविण्याबाबत सूचना देण्यात आल्या आहेत. जिल्हा पहिला यावा यासाठी प्रयत्न सुरू आहेत. - जयपाल कांबळे, प्रभारी प्राचार्य, जिल्हा शिक्षण व प्रशिक्षण संस्था, अंबाजोगाई.
------------
===Photopath===
300321\30bed_5_30032021_14.jpg~300321\30bed_6_30032021_14.jpg
===Caption===
यशश्री चाटे~समर्थ करपे