अंबाजोगाई : कष्टकरी, गोरगरिबांच्या पाठीशी शिवसेना खंबीरपणे उभी असते. यापुढे ही शिवसेनाप्रमुख बाळासाहेब ठाकरे यांच्या विचारांवर आम्ही कार्य करणार असून, कामगारांच्या पाठीशी शिवसेना खंबीरपणे उभी राहील, असे प्रतिपादन शिवसेनेचे जिल्हाप्रमुख आप्पासाहेब जाधव यांनी केले.
शिवसेना व पुत्रेश्वर बहुउद्देशीय सेवाभावी संस्थेच्या माध्यमातून शासनाच्या इमारत कामगार मंडळांतर्गत कामगारांना साहित्य वाटप कार्यक्रमात ते बोलत होते. यावेळी व्यासपीठावर स्वामी रामानंद तीर्थ रुग्णालयाचे अधिष्ठाता डॉ. शिवाजी सुक्रे, दत्तात्रय अंबेकर, शिवसेना जिल्हा समन्वयक संजय महाद्वार, डॉ. गोपाळ चौसाळकर, तालुकाप्रमुख अर्जुन वाघमारे, जिल्हा सहसंघटक अशोक गाढवे, शहर प्रमुख तथा संस्थेचे अध्यक्ष गजानन मुडेगावकर यांची उपस्थिती होती. यावेळी आप्पासाहेब जाधव म्हणाले की, शिवसंपर्क मोहिमेच्या माध्यमातून गोरगरिबांच्या अडचणी जाणून घेतल्यानंतर त्या सोडविण्यासाठी आम्ही सर्व प्रकारे प्रयत्न करणार असून, यापुढे ही शिवसेनाप्रमुख बाळासाहेब ठाकरे यांना अभिप्रेत सामाजिक कार्य शिवसैनिकांच्या हाताने घडावे. कोरोनाकाळात मुख्यमंत्री उद्धव ठाकरे यांनी नोंदणीकृत कामगारांना पाच हजार, दीड हजार अशी आर्थिक मदत दिली आहे. अधिष्ठाता डॉ. सुक्रे यांनी या कार्यक्रमाचे कौतुक करून आगामी काळात कोरोनाच्या तिसऱ्या लाटेचा धोका लक्षात घेता सर्व कामगारांसाठी आरोग्य तपासणी शिबिर आयोजित करावे. यास सहकार्य केले जाईल, असे सांगून आपल्या स्वाराती रुग्णालयात सर्व प्रकारची सोय उपलब्ध आहेत, याचा कामगारांनी लाभ घ्यावा, असे सांगितले. या कार्यक्रमाचे प्रास्ताविक करताना शिवसेना शहरप्रमुख तथा संस्थेचे अध्यक्ष गजानन मुडेगावकर यांनी कामगारांसाठी करत असलेल्या कार्याचा माहिती देऊन यातील विविध योजना काय आहेत हे सांगितले. कार्यक्रमाचे संचालन वैभव कुलकर्णी यांनी, तर आभार विजय मोरे यांनी मानले. हा कार्यक्रम यशस्वी करण्यासाठी शहर समन्वयक अर्जुन जाधव, उपशहरप्रमुख गणेश जाधव, शिवकांत कदम, अशोक दळवे, रवी मुडेगावकर, विशाल कुलकर्णी, राजेभाऊ पटाईत, श्रीधर सोमण, दिगंबर पांचाळ, बाळू धर्माधिकारी, अरुण यादव, संतोष जाधव आदींनी परिश्रम घेतले.
240721\3850img-20210724-wa0096.jpg~240721\3850img-20210724-wa0096.jpg
अंबाजोगाई येथे शिवसेनेच्या वतीने कामगारांना साहित्याचे वाटप~अंबाजोगाई येथे शिवसेनेच्या वतीने कामगारांना साहित्याचे वाटप