...
अंबाजोगाई ते देवळा रस्त्यावर खड्डे
अंबाजोगाई : तालुक्यातील अंबाजोगाई ते देवळा व अंबासाखर ते धानोरा, राडी ते मुडेगाव, अशा अनेक रस्त्यावर पडलेल्या त्या खड्ड्यांमुळे दुचाकी व चारचाकी वाहन चालविताना मोठी अडथळ्यांची शर्यत पार करावी लागते. तरी हे खड्डे तातडीने बुजवावेत, अशी मागणी होत आहे.
...
अंबाजोगाईला मुबलक पाणी
अंबाजोगाई : शहरात अनेक भागांत पाणी मुबलक प्रमाणात मिळत आहे. उन्हाळ्यातही पाणीटंचाई भासत नाही. त्याची नागरिकांना किंमत नसल्यासारखे झाले आहे. ज्यावेळी पाणीपुरवठा सुरू असतो. त्यावेळी मोठ्या प्रमाणात पाणी वाया जात आहे.
...
कोरोना नियमांचे उल्लंघन
आष्टी : सध्या कोरोनामुळे जनजीवन विस्कळीत होत आहे. प्रशासन योग्य निर्णय घेत असले तरी त्याची अंमलबजावणी होत नाही. आष्टी तालुक्यात एकीकडे रुग्णांची संख्या वाढत चालली आहे. हे लोक दुसऱ्यांना अडचणीत आणत आहेत. मास्क न वापरणाऱ्यांवर कारवाईची मागणी होत आहे.
....
हातपंपाच्या दुरुस्तीची मागणी
धानोरा : आष्टी तालुक्यातील धानोरा परिसरातील अनेक गावांत पिण्याच्या पाण्याची टंचाई जाणवत आहे. पावसाने ओढ दिल्याने दुष्काळीस्थिती आहे. त्यात अनेक खेडेगावातील हातपंप नादुरुस्त आहेत. हे पंप तातडीने दुरुस्त करावेत, अशी मागणी होत आहे.
...
रानडुकरांचा उपद्रव
धानोरा : आष्टी तालुक्यातील धानोरा परिसरातील धानोरा, हिवरा, अंभोरा, पिंपरखेड परिसरात रानडुकरांचा उपद्रव वाढला आहे. शेतकऱ्यांच्या शेतातील पिके व ठिबक संचांचे ही रानडुकरे नासधूस करीत आहेत. तरी या रानडुकरांचा बंदोबस्त करावा, अशी मागणी होत आहे.