गेवराई तालुक्यात ३०० ब्रास अवैध वाळूसाठा जप्त

काही दिवसांपूर्वीच जिल्हाधिकाऱ्यांनी या भागात मोठी कारवाई केली होती

गेवराई (बीड ) : तालुक्यातील गुळज,गुंतेगाव,बोरगावं शिवारातील अवैध वाळूसाठ्यावर मंडळ अधिकारी व तलाठी यांनी कारवाई करत जवळपास 300 ब्रास साठा सोमवारी जप्त केला. काही दिवसांपूर्वीच जिल्हाधिकाऱ्यांनी तालुक्यातील राजापुर येथे कारवाई करून अवैधरित्या जमा केलेला मोठा वाळूसाठी जप्त केला होता. 

मंडळ अधिकारी सुनिल तांबारे, पि.एस वाटुरे, कमलेश सुरावर यांना तालुक्यातील गुळज, गुंतेगावं तसेच बोरगांव शिवारात मोठ्या प्रमाणात अवैध वाळूसाठा करण्यात आला असल्याची माहिती मिळाली. यावरून कारवाई करत त्यांनी जवळपास ३०० ब्रास वाळूसाठा जप्त केला. या प्रकरणी चकलांबा पोलीस ठाण्यात गुन्हा दाखल करण्यात आला असून या कारवाई मुळे अवैधवाळू उपसा करणा-यांचे धाबे दणाणले आहेत.