Tata Indica Modified: भारताचे लोक जुगाड करण्यात सर्वात पुढे आहेत. आतापर्यंत तुम्ही अनेक जुगाड पाहिले असतील. सोशल मीडियावर वेगवेगळ्या जुगाड वस्तुंचे फोटो-व्हिडिओ व्हायरल होत असतात. आता परत एकदा अशाच एका जुगाडाचा व्हिडिओ व्हायरल होत आहे. एका व्यक्तीने कारचे मॉडिफिकेशन करुन लोकांचे लक्ष वेधून घेतले आहे. त्याने टाटा इंडिका कारमध्ये मॉडिफिकेशन करुन 2 डोअर कार बनवली. ही मॉडिफाइड कार जगातील सर्वात छोटी इंडिका ठरली आहे.
टाटा इंडिका 2 डोअर कारचा व्हिडिओ ‘वसिम क्रिएशन्स’ नावाच्या चॅनलवर पोस्ट करण्यात आला आहे. या व्हिडीओमध्ये एका जुन्या इंडिका कारला 2 डोअर व्हर्जनमध्ये कसे मॉडिफाय केले, हे दाखवले आहे. या मॉडिफाइड टाटा इंडिकाची लांबीही खूप कमी करण्यात आली आहे. मॉडिफाइड कारमध्ये मागील दरवाजा काढून टाकण्यात आला आहे.
कारची मागील बाजू काढून कारला फक्त 2 डोअर करण्यात आले आहे. तसेच, पाठीमागे डिक्की तशीच ठेवली आहे. ही कार नॅनोपेक्षाही छोटी दिसत आहे. कारच्या आकारासोबतच इंटेरिअरदेखील पूर्णपणे बदलले आहे. ही कार पूर्ण तयार झाल्यानंतर अगदी नवीनच दिसत आहे. या कारकडे पाहून, ही मॉडिफाय केलेली आहे, असे कोणीही म्हणणार नाही. कार शौकीन आणि मॉडिफाइड कार प्रेमींनी हा व्हिडिओ आवर्जून पाहावा.