मारुतीच्या 'या' 3 गाड्यांकडे लोकांचा कल वाढला; मोठ्या प्रमाणात विक्री, किंमत 3.4 लाखांपासून सुरू

Best Selling Maruti Cars : सर्वात स्वस्त कार अल्टो आहे, या कारची किंमत 3.4 लाख रुपयांपासून सुरू होते.

नवी दिल्ली : ऑक्टोबर 2020 मध्ये मारुती सुझुकी कार विक्रीत नेहमीच आघाडीवर राहिली आहे. विक्रीच्या बाबतीत, टॉप-10 कारच्या लिस्टमधील पहिले 3 मॉडेल फक्त मारुती सुझुकीचे आहेत. दरम्यान, ऑक्‍टोबर 2022 मध्‍ये सर्वाधिक विकल्या जाणार्‍या 3 कारबद्दल जाणून घेऊया, ज्या फक्त मारुती सुझुकीच्या मॉडेल्स आहेत. यामध्ये मारुती सुझुकी अल्टो (Maruti Suzuki Alto), मारुती सुझुकी वॅगन आर  (Maruti Suzuki Wagon R)आणि मारुती सुझुकी स्विफ्ट (Maruti Suzuki Swift) यांचा समावेश आहे. यातील सर्वात स्वस्त कार अल्टो आहे, या कारची किंमत 3.4 लाख रुपयांपासून सुरू होते.

Maruti Suzuki Alto
ऑक्टोबर 2022 मध्ये सर्वाधिक विक्री होणारी मारुती सुझुकीची कार अल्टो होती. कंपनीने अलीकडेच नवीन Alto K10 लाँच केली, जी नवीन प्लॅटफॉर्मवर आधारित आहे आणि K-सिरीज इंजिनसह तयार आहे, त्यामुळे विक्रीत मदत झाली. मारुती सुझुकीने गेल्या महिन्यात अल्टोच्या 21,260 युनिट्सची विक्री केली, जी वर्षभरात 22 टक्के वाढ दर्शवते. ऑक्टोबर 2021 मध्ये, मारुती सुझुकीने त्यातील 17,389 युनिट्स विकल्या.

Maruti Suzuki Wagon R
मारुती सुझुकी वॅगनआर अनेक वर्षांपासून कंपनीसाठी चांगली विक्री करणारी कार राहिली आहे. ऑक्टोबर 2022 मध्ये ही दुसरी सर्वाधिक विक्री होणारी कार ठरली आहे. या कारला दोन इंजिन पर्याय, CNG व्हेरिएंट आणि चांगल्या हेडरूमसह दोन गिअरबॉक्स पर्याय देण्यात आले आहेत. ऑक्टोबर 2022 मध्ये, मारुती सुझुकीने वॅगनआरच्या 17,945 युनिट्सची विक्री केली आहे. या कारची विक्री दरवर्षी 45 टक्क्यांनी वाढली आहे. ऑक्टोबर 2021 मध्ये 12,335 युनिट्सची विक्री झाली.

Maruti Suzuki Swift
ऑक्टोबर 2022 मध्ये तिसरी सर्वाधिक विक्री होणारी कार मारुती सुझुकी स्विफ्ट हॅचबॅक आहे. गेल्या महिन्यात मारुती सुझुकीच्या 17,231 युनिट्सच्या विक्रीच्या तुलनेत ऑक्टोबर 2021 मध्ये 9,180 युनिट्सची विक्री झाली. या कारच्या विक्रीत वार्षिक 88 टक्के वाढ झाली आहे. मारुतीने आता स्विफ्टमध्ये सीएनजी किटही ऑफर केली आहे.