एकतर्फी प्रेमातून तरुणाने चिरला तरुणीचा गळा

एकतर्फी प्रेमातून एका तरुणाने भरदिवसा तरुणीची गळा चिरल्याची धक्कादायक घटना सोमवारी दुपारी ३ वाजताच्या सुमारास खोलापुरी गेट ठाण्यामागील रस्त्यावर घडली. शिवानी सुनील वासनकर (१९, रा. तारखेडा) असे गंभीर जखमी तरुणीचे नाव असून, तिला उपचारासाठी खासगी रुग्णालयात दाखल करण्यात आले आहे. या घटनेने शहरात प्रचंड खळबळ उडाली.

ठळक मुद्देखोलापुरी गेट ठाण्यामागे भरदिवसा थरार : जखमीवर उपचार सुरू

लोकमत न्यूज नेटवर्कअमरावती : एकतर्फी प्रेमातून एका तरुणाने भरदिवसा तरुणीची गळा चिरल्याची धक्कादायक घटना सोमवारी दुपारी ३ वाजताच्या सुमारास खोलापुरी गेट ठाण्यामागील रस्त्यावर घडली. शिवानी सुनील वासनकर (१९, रा. तारखेडा) असे गंभीर जखमी तरुणीचे नाव असून, तिला उपचारासाठी खासगी रुग्णालयात दाखल करण्यात आले आहे. या घटनेने शहरात प्रचंड खळबळ उडाली.याप्रकरणी अक्षय पुरुषोत्तम कडू (२२, रा. शिरजगाव बंड) याला खोलापुरी गेट पोलिसांनी अटक केली. जखमी शिवानी व अक्षय हे दोघेही एकमेकांचे नातेवाईक असून, आरोपी हा शिवानीवर प्रेम करायचा. शिवानी ही राजापेठ स्थित एका महाविद्यालयात बी.कॉम.चे शिक्षण घेत आहे. अक्षय हा नेहमीच तिचा पाठलाग करून त्रास देत होता. सोमवारी दुपारी शिवानी कॉलेज आटोपून मैत्रिणीसोबत घरी जात होती. दरम्यान अक्षयने तिला खोलापुरी गेट पोलीस ठाण्याच्या मागील शुकशुकाट असणाऱ्या रोडवरच गाठले. तिचा ठाम नकार पाहून अक्षयचा राग अनावर झाला आणि त्याने चाकूने तिच्या गळ्यावर वार केले. शिवानीच्या आरडाओरडीने परिसरातील नागरिक बाहेर आले. एका व्यक्तीने घटनेची माहिती तात्काळ खोलापुरी गेट पोलिसांना दिली. पोलीस पोहोचेपर्यंत शिवानीचे नातेवाइकसुद्धा घटनास्थळी पोहोचले. त्यांनी तात्काळ शिवानीला राजापेठ हद्दीतील खासगी रुग्णालयात दाखल केले. तिची प्रकृती नाजूक असल्याचे सांगण्यात येत आहे.रक्तबंबाळ पडलेल्या शिवानीकडे पाहून तो हसत होताखोलापुरी गेट हद्दीत भरदिवसा घडलेली ही थरारक घटना अनेकांनी बघितली. अक्षयने शिवानीचा गळा कापल्यानंतर ती खाली कोसळली. त्यानंतर अक्षय हा तिच्याजवळ बसून हासत होता, अशी माहिती काही नागरिक सांगत आहेत. त्यावेळी एखाद्या विकृतासारखी त्याचे वर्तन होते. त्याला पोलिसांनी घटनेच्या काही वेळातच अटक केली. त्याला वैद्यकीय तपासणीसाठी इर्विनला आणण्यात आले. त्यावेळीही त्याने हसतच घटनाक्रम कथन केला.प्रेमप्रकरणातून तरुणाने धारदार शस्त्राने प्राणघातक हल्ला केला. ठाण्यामागेच ही घटना घडली असून, पोलिसांनी आरोपीला तात्काळ अटक केली. जखमी तरुणीवर उपचार सुरु आहेत.- अतुल घारपांडेपोलीस निरीक्षक