अमरावती : बडनेरा येथील पाचबंगला परिसरात रस्त्याची चाळण झाली आहे. या रस्त्यावरुन जड वाहनांची नियमित वाहतूक असल्याने तो पूर्णत: उखडला आहे. वाहनांच्या वर्दळीने नागरिक हैराण झाले आहेत. रस्ता दुरुस्त करावा, अशी मागणी आहे.
--------------
अकोली रिंग रोड उखडला
अमरावती : नवसारी ते अकोली रिंग रोड पूर्णत: उखडला असून, जड वाहतुकीचा हा परिणाम मानला जात आहे. लवकरच रस्ता उखडल्यामुळे बांधकामाच्या दर्जावरही प्रश्नचिन्ह निर्माण झाला आहे. सार्वजनिक बांधकाम विभागाने उखडलेला रस्ता दुरुस्त करावा,अशी मागणी आहे.
----------------
सुकळी कम्पोस्ट डेपो रस्ता नादुरुस्त
अमरावती: सुकळी कम्पोस्ट डेपो रस्ता नादुरुस्त झाला आहे. या रस्त्यावर नियमित कचरा संकलन करणाऱ्या वाहनांची ये-जा आहे. मात्र, महापालिका प्रशासन चालकांना होणाऱ्या त्रासाकडे डोळेझाक करीत आहे. रस्ता दुरुस्त करावा, अश मागणी होत आहे.
------------
विद्यापीठात दीक्षांत समारंभाची लगबग
अमरावती : संत गाडगेबाबा अमरावती विद्यापीठात ३७ व्या दीक्षांत समारंभाची लगबग सुरू झाली आहे. के.जी. देशमुख सभागृहात हा सोहळा २१ फेब्रुवारी रोजी आयोजित करण्यात आला असून, केंद्रीय भूपृष्ठ वाहतूकमंत्री नितीन गडकरी हे विशेष पाहुणे म्हणून उपस्थित राहणार आहेत. समारंभ ऑनलाईन होणार आहे.
--------------
रेल्वे स्थानक चौक ते बेलपुरा रस्ता उखडला
अमरावती : स्थानिक रेल्वे स्थानक चौक ते बेलपुरा मार्गावर जागोजागी खड्डे पडले आहे. परिसर नागरी वस्तीचा असतानाही मुख्य मार्गाचे डांबरीकरण करण्यात येत नाही. राजापेठ रेल्वे फाटकाकडेसुद्धा याच मार्गाने ये-जा सुरू असते.