‘अस्पायर एज्युकेशन फेअर’आजपासून

विद्यार्थ्यांच्या मनातील करिअर विषयीचा हा संभ्रम दूर करण्यासाठी ‘लोकमत’द्वारे शुक्रवारी १३ ते १५ जूनपर्यंत स्थानिक संत ज्ञानेश्वर सांस्कृतिक भवन येथे दररोज सकाळी ११ ते रात्री ९ वाजेपर्यंत

'लोकमत'चे आयोजन : शैक्षणिक नगरी एकाच छताखाली, विद्यार्थ्यांसाठी पर्वणी
अमरावती : विद्यार्थ्यांच्या मनातील करिअर विषयीचा हा संभ्रम दूर करण्यासाठी ‘लोकमत’द्वारे शुक्रवारी १३ ते १५ जूनपर्यंत स्थानिक संत ज्ञानेश्वर सांस्कृतिक भवन येथे दररोज सकाळी ११ ते रात्री ९ वाजेपर्यंत ‘एस्पायअर एज्युकेशन फेअर’चे आयोजन करण्यात आले आहे. यानिमित्ताने सर्व नामांकित शैक्षणिक संस्थेची इत्थंभूत माहिती एकाच छताखाली उपलब्ध होणार आहे.
आपल्या पाल्याने कोणता कोर्स करावा, दर्जेदार शिक्षण देणारी संस्था कोणती, सर्व शैक्षणिक संस्थेची माहिती घेण्यासाठी किती फिरावे लागणार, वर्षाला किती फी भरावी लागणार, अनुदान मिळेल काय, असे एक ना अनेक प्रश्न सध्या पालकांच्या मनात घोळ निर्माण करीत असतील. मात्र, आता पाल्याच्या करिअरची चिंता करण्याची गरज नाही. विद्यार्थ्यांनीही अभ्यासक्रम निवडीबाबत संभ्रमित होण्याची गरज नाही. कारण, ‘लोकमत’द्वारे विद्यार्थ्यांच्या भावी करिअरसाठी दिशादर्शक ठरणारे ‘एस्पायर एज्युकेशन फेअर’ आयोजित केले आहे. हा शैक्षणिक कुंभमेळा विद्यार्थ्यांसाठी प्रचंड फायदेशीर व मार्गदर्शक ठरेल. करिअर घडविण्याचे योग्य दिशादर्शन या कुंभमेळ्यातून मिळणार असल्याने जिल्ह्यातील विद्यार्थ्यांनी या उपक्रमात सहभागी व्हावे.
शिक्षणाविषयी पालक आणि विद्यार्थ्यांना भेडसावणाऱ्या विविध शंकांचे निरसन या प्रदर्शनीच्या माध्यमातून होणार आहे. शैक्षणिक क्षेत्रातील तज्ज्ञ, यशस्वी उद्योजक, स्पर्धा परीक्षांच्या माध्यमातून यशस्वी झालेले उच्चपदस्थ अधिकारी प्रदर्शनीत विद्यार्थ्यांना थेट मार्गदर्शन करतील.
याशिवाय महाविद्यालये, शाळा, मेडिकल, इंजिनीअरिंग, आर्किटेक्टचरपासून फॅशन, ग्राफीक्स, इंटिरियर डिझाईनपर्यंत व रिटेल, आयटीआय, एव्हिएशनपासून मीडिया, अ‍ॅनिमेशन, गेमिंगपर्यंत तसेच विविध विद्यापीठे, प्रोफेशनल क्लासेस, आयटीआय, हॉटेल मॅनेजमेंट, फॉरेन लँग्वेज, पोलिटेक्निकल, स्पोकल इंग्लिश, लॉ कॉलेज, हॉस्पिटॅलिटी मॅनेजमेंट, कॅपिटल मार्केट हे घटक प्रदर्शनीत सहभागी होतील. एकाच ठिकाणी शैक्षणिक माहितीचा खजिना उपलब्ध होणार असल्याने विद्यार्थ्यांचा वेळ व पैसा वाचेल.
त्याचप्रमाणे विविध शैक्षणिक संस्थाचालक व व्यावसायिकांना देखील हजारो विद्यार्थी व पालकांपर्यंत एकाच वेळी त्यांच्या संस्था व प्रतिष्ठानांच्या वाटचालीची माहिती पोहोचविता येईल. प्रदर्शनीत सहभागी होण्यास इच्छूक पालक व विद्यार्थ्यांनी अधिक माहितीसाठी जयंत कौलगीकर (९९२२४२७७९४) यांच्यासोबत संपर्क साधावा.