लोकमत न्यूज नेटवर्कहिवरखेड : पोलीस ठाण्यांतर्गत येणाऱ्या हिवरखेड, गोर्धा, बेलखेड शेतशिवारातील १६ ते १७ शेतकऱ्यांच्या शेतातील स्प्रिंकलर अज्ञात चोरट्यांनी लंपास केल्याची घटना १८ जुलै रोजी सकाळी उघडकीस आली.बेलखेड शेतशिवार, गोर्धा शेतशिवार, हिवरखेड शेतशिवारामधील नंदकिशोर रहाटे बेलखेड, भारत राऊत, अशोक अटराळे, उमेश शंकरराव कोल्हे हिवरखेड यांच्यासह १६ शेतकऱ्यांच्या शेतशिवारातील स्प्रिंकलर नोझल अज्ञात चोरट्याने १७ जुलैच्या रात्रीच्या दरम्यान लंपास केले. मंगळवारी सकाळी शेतकरी आपल्या शेतात गेले असता हा प्रकार उघडकीस आला. शेतातील एकूण ११७ नोझल किंमत ६०,००० रुपये चोरी गेल्याची तक्रार नंदकिशोर रहाटे यांनी दिली. त्यांच्या फिर्यादीवरून हिवरखेड पोलिसांनी अज्ञात चोरट्यांविरुद्ध कलम ३७९ गुन्हा दाखल केला आहे. तपास हिवरखेड पोलीस करीत आहेत.
१६ शेतकऱ्यांच्या शेतातील साहित्य लंपास
By लोकमत न्यूज नेटवर्क | Updated: July 18, 2017 19:23 IST