अन्न व औषध प्रशासनाकडून राज्यभरातील २२४१ औषध दुकानांचे परवाने रद्द

नियमांचे उल्लंघन भोवले; १८५७ परवाने निलंबित.

अकोला: सर्व नियमांना धाब्यावर बसवून औषधांची विक्री करून औषधे व सौंदर्यप्रसाधन कायद्याचे उल्लंघन करणार्‍या राज्यभरातील २२४१ किरकोळ औषध दुकानांचे परवाने अन्न व औषध प्रशासन विभागाकडून (एफडीए) रद्द करण्यात आले आहेत. तसेच १८५७ औषध दुकानांचे परवाने निलंबित करण्यात आले आहेत. अन्न व औषध प्रशासन विभागाकडून एप्रिल २0१४ ते फेब्रुवारी २0१५ दरम्यान करण्यात आलेल्या या धडक कारवाईने नियमांचे उल्लंघन करणार्‍या औषध विक्रेत्यांना चाप बसला आहे. राज्यभरात प्रतिजैवके अर्थात अँटिबायोटिक्सचा वापर मोठय़ा प्रमाणात होत असल्याचे वास्तव आहे. औषध विक्रेत्यांकडून डॉक्टरांच्या चिठ्ठीशिवाय औषध देणे, औषध दुकानांसंदर्भात अन्न व औषध प्रशासन विभागाने ठरवून दिलेले निकष न पाळणे, यासारखे प्रकार वाढीस लागल्याच्या तक्रारी आहेत. याची दखल घेऊन अन्न व औषध प्रशासनाने राज्यभरातील २४१९३ औषध दुकानांना भेटी देऊन पाहणी केली. या पाहणीदरम्यान अनेक औषध विक्रेत्यांकडून नियमाला बगल दिली जात असल्याचे निदर्शनास आल्यानंतर ह्यएफडीएह्णने ४५0३ औषध दुकानांच्या संचालकांना कारणे दाखवा नोटीस बजावल्या होत्या. त्यानंतर ह्यएफडीएह्णने यापैकी २२४१ औषध दुकानांचे परवाने रद्द केले, तर १८५७ दुकानांचे परवाने निलंबित केले. मोठय़ा शहरांमध्ये स्वत:च्या मर्जीने औषधे घेण्याचे प्रमाण वाढत असून, औषधांची ऑनलाइन विक्री होत असल्याचे प्रकार उघडकीस आल्याच्या पृष्ठभूमीवर ह्यएफडीएह्णकडून झालेली ही कारवाई स्वागतार्ह आहे. २0१३-१४ मध्ये ५४५२ परवाने रद्द अँन्टीबायोटिक्स औषधांची नियमबाहय़ विक्री करण्याच्या प्रकारांना आळा घालण्यासाठी अन्न व औषध प्रशासनाने वर्ष २0१३-१४ मध्ये राज्यभरात विभागनिहाय धाडी टाकून ५४५२ किरकोळ औषध दुकानांचे परवाने रद्द, तर ३१७८ दुकानांचे परवाने निलंबित केले होते. यामध्ये कोकण विभाग १३८४, बृहन्मुंबई विभाग ९0१, पुणे विभाग ८९६, औरंगाबाद विभाग ८0१, नाशिक विभाग ६१२, अमरावती विभाग ४८९ व नागपूर विभागातील ३६९ दुकानांचा समावेश आहे.