८० जागांसाठी झालेल्या अकोला महापालिका निवडणुकीत भाजपाने पुन्हा एकदा सत्ता कायम राखण्यात यश मिळवले आहे. ८० जागांपैकी ७९ जागांचे निकाल लागले आहेत. त्यापैकी भाजपाने ४१ जागा जिंकल्या आहेत. अकोला महापालिकेत काँग्रेस दुसऱ्या क्रमांकावर राहिली आहे, तर वंचित बहुजन आघाडी आणि उद्धवसेनेला फार चांगली कामगिरी करता आलेली नाही.
अकोला महापालिका निवडणुकीत काँग्रेसने १९ जागा जिंकल्या आहेत. स्वतंत्र लढत असलेल्या शिंदेसेनेला फारचा करिष्मा करता आलेला नाही. उद्धवसेनेचीही कामगिरी साधारणच राहिली आहे. भाजपासोबत युतीत लढत असलेल्या राष्ट्रवादी काँग्रेस (अजित पवार) पक्षालाही चांगले प्रदर्शन करता आलेले नाही.
अकोला महापालिका निकाल : एकूण जागा- ८०, निकाल ७९
भाजप - ४१
काँग्रेस - १९
शिंदेसेना- ००
उद्धवसेना- ०२
राष्ट्रवादी (अजित पवार)-०१
राष्ट्रवादी (शरद पवार)-०३
वंचित बहुजन आघाडी - ५
महानगर विकास समिती-४
एआयएमआयएम-०३
अपक्ष -०१
प्रभाग १७ मधील एका जागेचा निकाल अद्याप बाकी आहे.
२०१७ मध्ये काय लागला होता निकाल?
अकोला महापालिकेच्या २०१७ मध्ये झालेल्या निवडणुकीत भाजपाला सर्वाधिक जागा मिळाल्या होत्या. भाजपाने ४८ जागा जिंकल्या होत्या, तर काँग्रेस १३ जागा जिंकत दुसऱ्या क्रमांकावर राहिला होता.
त्यावेळी अखंड असलेल्या शिवसेनेला ८ जागाच जिंकता आल्या होत्या. अखंड असलेल्या राष्ट्रवादी काँग्रेसला ५ जागा, तर एआयएमआयएमने एक जागा जिंकली होती. ५ अपक्ष उमेदवार जिंकले होते.
Web Summary : BJP retained power in Akola Municipal Corporation, winning 41 of 79 seats. Congress secured 19 seats, while both Shiv Sena factions and NCP (Ajit Pawar) underperformed. VBA won 5 seats.
Web Summary : अकोला नगर निगम में भाजपा ने 79 में से 41 सीटें जीतकर सत्ता बरकरार रखी। कांग्रेस को 19 सीटें मिलीं, जबकि शिवसेना के दोनों गुटों और एनसीपी (अजित पवार) का प्रदर्शन निराशाजनक रहा। वीबीए ने 5 सीटें जीतीं।