अकोला जिल्हा रुग्णालयामध्ये किंकाळय़ा अन आक्रोश..

मन सुन्न करणारी घटना; रुग्णालयात अनेकांचे डोळे पाणावले!

सचिन राऊत अकोला, दि. १४: मित्र नगरला लागून असलेल्या वसाहतमधील दोन चिमुकले खेळत असतानाच दोघांचाही पाण्यात बुडून अचानक मृत्यू झाल्याचे त्यांच्या आई-वडिलांना कळताच त्यांनी सवरेपचार रुग्णालयात धाव घेतली. रुग्णालयातील बेडवर मृतावस्थेत असलेली दोन मुले जणू झोपलेली आहेत अशी अवस्था बघून त्यांच्या नातेवाइकांचा आक्रोश अन् किंकाळय़ांनी सवरेपचार रुग्णालय हेलावले.सिद्धार्थचे वडील मोलमजुरी करणारे; मात्र तरीही मुलगा हिंदू ज्ञानपीठसारख्या मोठय़ा शाळेत दुसर्‍या वर्गात शिक्षण घेत होता तर कृष्णाचे वडील हॉटेलमध्ये काम करणारे; मात्र मुलगा गुरुनानक विद्यालयात चौथ्या वर्गाला शिक्षण घेत होता. दोघांच्याही वडिलांनी मुलांना अभियंता करण्याची स्वप्ने बघितली; मात्र नियतीने रविवारी दोघांच्याही स्वप्नांची राखरांगोळी केली. अचानक झालेल्या या घटनेने सिद्धार्थ आणि कृष्णाचे नातेवाईक स्तब्ध झाले. सिद्धार्थचे आई-वडील या घटनेने सुन्न होऊन सवरेपचारमध्येच कोसळले. तर कृष्णाचे आई-वडील बहिणीच्या डोळय़ातून अश्रूच्या धारा वाहतच होत्या. मनपा प्रशासन, जलवर्धन संस्था, नगरसेवक किं वा प्रशासकीय यंत्रणेची हलगर्जी या दोन बालकांच्या जिवावर उठली. आई-वडिलांच्या स्वप्नांची राखरांगोळी झाली. घरात दिवस-रात्र किलबिलाट आणि आई-वडिलांच्या अंगा-खांद्यावर खेळणारी बालके प्रशासनाच्या हलगर्जी कारभाराचे बळी ठरले. अचानक घडलेल्या या घटनेने सवरेपचार रुग्णालयात या दोन्ही मुलांच्या आई-वडिलांचा आणि नातेवाइकांचा प्रचंड आक्रोश होता. त्यांच्या किंकाळय़ा अन् आक्रोश बघता अनेकांची डोळे पाणावली. चिमुकले मृतावस्थेत आहेत यावर आई-वडिलांचा विश्‍वासही बसत नव्हता. एकदा तरी आई म्हणून हाक दे या आशेने त्यांचे आई-वडील पाणावलेल्या डोळय़ांनी मुलांच्या अंगा-खांद्यावर हात फिरवित होते.