नगर तालुक्यातील शेंडी फाटा ते वांबोरी हा रस्ता परिसरातील दहा-बारा गावांसाठी जवळचा रस्ता आहे. या रस्त्यावर पिंपळगाव तलावाचा दगडी सांडवा असून, शंभर वर्षे झाल्यामुळे याची दुरवस्था झाली आहे; परंतु सार्वजनिक बांधकाम विभागाचे याकडे पूर्णपणे दुर्लक्ष झाले आहे. पावसाच्या पाण्यात खड्डे न दिसल्यामुळे येथे दररोज अपघात होतात. त्यामुळे पिंपळगाव माळवी येथील काही युवकांनी एकत्र येत स्वखर्चाने व श्रमदानातून या खड्ड्यांमध्ये सिमेंट काँक्रीट भरून रस्ता दुरुस्त केला. या श्रमदानासाठी पिंपळगाव माळवीचे ग्रामपंचायत सदस्य सुधीर गायकवाड, विराज गायकवाड, डॉ. किरण गायकवाड, सतीश बनकर व शुभम बोरा यांनी पुढाकार घेतला. गावातील युवक प्रवीण भालके, सुभाष बारगळ, अभिजित झिने, संदीप पवार, संकेत शिंदे, ज्ञानेश्वर शिंदे, अजय बर्डे, शुभम झिने, सुशांत शिंदे, प्रशांत शिंदे आदींनी श्रमदान केले.
----------
फोटो - २८ पिंपळगाव माळवी सफाई
पिंपळगाव माळवी येथील युवकांनी स्वखर्चातून व श्रमदानातून नगर-वांबोरी रस्त्यावरील खड्ड्यांची दुरुस्ती केली.
280721\img_20210728_092939.jpg
नगर तालुक्यातील पिंपळगाव माळवी येथील युवकांनी तलावाचा सांडवाची स्वखर्चाने श्रमदानातून दुरुस्ती केली