नगर-सोलापूर रस्त्यावर भीषण अपघात; दोघांचा मृत्यू, 4 जण जखमी

नगर-सोलापूर रस्त्यावर रविवारी (30 जून) सकाळी तीन वाहनांचा भीषण अपघात झाला आहे. या अपघातात दोघांचा मृत्यू झाला असून चार जण गंभीर जखमी झाले आहेत.

ठळक मुद्दे नगर-सोलापूर रस्त्यावर रविवारी (30 जून) सकाळी तीन वाहनांचा भीषण अपघात झाला आहे.अपघातात दोघांचा मृत्यू झाला असून चार जण गंभीर जखमी झाले आहेत.नगर-सोलापूर रडोवरील वाटेफळ गावाजवळ हा अपघात झाला.

अहमदनगर - नगर-सोलापूर रस्त्यावर रविवारी (30 जून) सकाळी तीन वाहनांचा भीषण अपघात झाला आहे. या अपघातात दोघांचा मृत्यू झाला असून चार जण गंभीर जखमी झाले आहेत. या अपघातात अमोल रामदास गारुडकर (30) आणि शालन रामदास गारुडकर (50 राहणार घरगाव) या दोघांचा मृत्यू झाला तर चार जण गंभीर जखमी झाले.

नगर-सोलापूर रडोवरील वाटेफळ गावाजवळ हा अपघात झाला. पहाटेच्या वेळी सोलापूर महामार्गावर पिकअप गाडी नगरकडे येत होती. तर दोन कंटेनर नगरकडून सोलापूरकडे जात होते. वाटेफळ गावाजवळ दोन कंटेनरमध्ये पिकअप गाडी येऊन हा अपघात झाला. त्यात पिकअपचा चक्काचूर झाला. गावकऱ्यांच्या मदतीने जखमींना जवळच्या रुग्णालयात उपचारासाठी दाखल करण्यात आले असून त्यांच्यावर सुरू आहेत. हे सर्वजण श्रीगोंदा घरगाव येथील रहिवासी आहे. दरम्यान, पोलिसांनी याप्रकरणी गुन्हा दाखल केला असून अधिक तपास सुरू आहे.