पुणे विद्यापीठ कुलगुरूंनी योगाबाबत निर्णय मागे घ्यावा

पुणे विद्यापीठाच्या परिक्षेत्रातील पुणे, नाशिक आणि अहमदनगर जिल्ह्यातील सर्व महाविद्यालयांना एका योग संस्थेच्या माध्यमातून योग शिकवण्याचा आदेश पुणे विद्यापीठाचे कुलगुरू डॉ. नितीन करमाळकर यांनी नुकताच काढला आहे. यासाठी विद्या परिषदेची परवानगी कुलगुरूंनी घेतलेली नाही. शिवाय त्यात पाच गुण विद्यार्थ्यांना ग्रेस म्हणून दिले जाणार असल्याचे म्हटले आहे. या गोष्टीला नाशिक, अहमदनगर येथून मोठ्या प्रमाणात विरोध होत आहे. कारण यामुळे शिक्षणाचा दर्जा खालावला जाईल. शिवाय मध्यंतरी या योग संस्थेच्या योग गुरुने छत्रपती शिवाजी महाराजांबाबत आक्षेपार्ह विधान केले होते. त्यामुळे कुलगुरूंनी हा निर्णय मागे घ्यावा, अशी मागणी संघटनेचे कार्याध्यक्ष यशवंत तोडमल यांनी केले आहे. ते पुढे म्हणाले की, कुलगुरू पदाचा आम्ही नेहमीच आदर करतो, पण त्या पदावरील व्यक्ती जर छत्रपतींचा अवमान करत असतील तर आम्ही त्या विरोधात संघर्ष उभा करू. शासनाने सुद्धा याबाबतीत लक्ष घालून योग्य ती कार्यवाही करावी.

दरम्यान, संघटनेच्या पदाधिकाऱ्यांनी विद्यापीठ उपकेंद्रात याबाबत निवेदन दिले. यावेळी इतिहास प्रेमी योगेश गागरे आणि इतर शिवप्रेमी उपस्थित होते.

----------

फोटो

०९स्मायलिंग अस्मिता

पुणे विद्यापीठाच्या कुलगुरूंनी काढलेला योगाबाबतचा आदेश मागे घेण्याबाबतचे निवेदन स्मायलिंग अस्मिता कष्टकरी शेतकरी विद्यार्थी संघटनेच्या वतीने विद्यापीठ उपकेंद्रात देण्यात आले.