Ahilyanagar Marathi News | अहिल्यानगर मराठी बातम्या | Latest Ahilyanagar News in Marathi | अहिल्यानगर ताज्या बातम्या | Ahilyanagar Crime Marathi News | अहिल्यानगर ब्रेकिंग न्यूज़| Breaking & Live Ahilyanagar News | Ahilyanagar Local News Update| Today's Ahilyanagar News paper

लोकमत न्यूज नेटवर्क, अहमदनगर : मंगळवारी भाजप आमदार नितेश राणे यांनी कापड बाजारात चौकसभेत अनेक आरोप केले. शहर काँग्रेस जिल्हाध्यक्ष किरण काळेंनी राणेंना आमच्या पन्नास हजार हिंदू तरुण बांधवांसाठी रोजगार देत दहा हजार कोटींचे एमआयडीसी, बाजारपेठेसाठी पॅकेज आणण्याचे आवाहन केले होते. राणेंनी याबाबत ब्र सुद्धा न काढल्याने युवक काँग्रेसमधील संतापलेल्या युवकांनी बाजारपेठेत रस्त्यावर उतरत 'नितेश राणे भगाव, नगर बचाव'चा नारा देऊन निदर्शने केली आहेत. नवी पेठ चौकात जय श्रीरामच्या घोषणा देत राणे यांचा निषेध केला.प्रवीण गीते म्हणाले, राणेंना आम्हा हिंदू तरुणांच्या हातामध्ये एकमेकांची माथी फोडण्यासाठी दगडं द्यायची आहेत. हिंदू असल्याचा आम्हाला अभिमान आहे. राणे ढोंगी हिंदुत्ववादी नाहीत हे त्यांनी सिद्ध करावे. ते शहरात हिंदुत्वासाठी तसेच आमच्या हिंदू व्यापारी बांधवांसाठी आले नव्हते तर भाजपच्या २०१४ च्या निवडणुक प्रचारासाठी आले होते. हिंदू व्यापाऱ्यांना न्याय द्यायचा असेल तर त्यांच्यावर हल्ले करणाऱ्यांना अटक करा. माञ व्यापारी चिपाडे, नवलानींवरील काही हल्लेखोर राणेंच्या दौऱ्यानंतरही फरार आहेत. युवकांनी विचारले राणेंना सात जाहीर प्रश्न : १) तुमच्या भडकाऊ भाषणांमुळे गुन्हे दाखल झाल्याने नोकऱ्या मिळत नाहीत. हिंदू युवकांसाठी कायदा बदलून आरोप असतानाही नोकऱ्याचा विशेष जीआर सरकार कधी काढणार आहे ?२) गुन्ह्यांमुळे प्रतिमा मलिन झाल्यामुळे लग्नाला कोणी पोरगी देत नाही. सरकार आमची लग्न जमवण्याची जबाबदारी घेणार आहे की नाही ?३) अन्य धर्मीय उद्योजक, व्यापाऱ्यांकडे काम करून कुटुंब पोसणाऱ्या आमच्या कष्टकरी हिंदू बापांना स्वतःचा व्यवसाय सुरू करण्यासाठी विशेष पॅकेज कधी जाहीर करणार आहे ?४) तुम्ही धार्मिक रंग दिल्यामुळे दोन व्यापाऱ्यांमधील सुरु झालेले वैयक्तिक भांडण संपूर्ण बाजारपेठेसह आमच्या सर्व हिंदू व्यापाऱ्यांना उध्वस्त करण्यावर येऊन ठेपले आहे. यात आमच्या अन्य हिंदु व्यापाऱ्यांचा, दुकानांमध्ये काम करणाऱ्या हिंदू गोरगरीब कामगारांचा दोष काय ?५) व्यापाऱ्यांशी असणाऱ्या सलोख्याच्या संबंधातून आमचे हिंदू बांधव, माता, भगिनी हातगाडीवाले, फेरीवाले पोटाची खळगी भरतात. अन्य धर्मीयांना जेसीबी लावताना हिंदूं फेरीवाल्यांवर ही तुम्ही, खासदारांनी, आमदारांनी प्रशासनाला आदेश देऊन कारवाई केली. आम्ही हिंदू असूनही तुम्ही संसाराची राख रांगोळी का केली ? हिंदूंसाठी तरी फेरीवाला धोरण अंमलबजावणी करणार आहात की नाही ? ६) हिंदूंसाठी पेट्रोल, डिझेल पन्नास रुपये लिटर कधी करणार आहात ? ७) हिंदूंसाठी गॅस तीनशे रुपये कधी करणार आहात ? असे प्रश्न या तरुणांनी उपस्थित केले. यावेळी गीते, अल्हाट यांच्यासह विकास भिंगारदिवे, योगेश जाध,व विकास साळवे, शंकर आव्हाड, प्रणव मकासरे, गौरव घोरपडे, सुजित क्षेत्रे, मयूर भिंगारदिवे, अक्षय गायकवाड आदी उपस्थित होते.सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"

Ahilyanagar (Marathi News)

सर्जेपूरा येथील दक्षिणमुखी हनुमान मंदिरात आरती करुन या शोभायात्रेस प्रारंभ झाला. ...

पणन विभागाचे उपसचिव मोहन निंबाळकर यांच्याकडून शुक्रवारी आदेश जारी ...

विजेत्या मल्लाला ३५ लाख रुपयांची मानाची गदा देऊन गौरविण्यात येणार आहे. ...

उद्धव बाळासाहेब ठाकरे गटाचे बळीराम यादव यांच्या नावामुळे ही निवडणूक रंगणार आहे. ...

शेकडोच्या संखेतील झाडे डामाडौलात उभी आहे. ...

मंगळवारी भाजप आमदार नितेश राणे यांनी कापड बाजारात चौकसभेत अनेक आरोप केले. ...