ना पासपोर्ट, ना व्हिसा; दिल्लीत एकाच ठिकाणी जगातील 7 आश्चर्य पाहा

जग फिरावं, जगातील सात आश्चर्य पाहावीत, हे अनेकांचं स्वप्न असतं. दिल्लीतल्या अनेकांचं हे स्वप्न आता पूर्ण होणार आहे आणि तेही अगदी स्वस्तात.

दक्षिण दिल्ली महानगरपालिकेनं सात आश्चर्य उभी केली आहेत. निजामुद्दीन रेल्वे स्टेशनजवळच्या एका बगिच्यामध्ये सात आश्चर्यांची उभारणी करण्यात आली आहे.

भंगारातील लोखंडापासून या वास्तूंची निर्मिती करण्यात आली आहे. मात्र अद्याप हे उद्यान सर्वसामान्य नागरिकांसाठी खुलं करण्यात आलेलं नाही.

राजीव गांधी स्मृतीवनमध्ये सात आश्चर्य उभारण्यासाठी 4.7 कोटी रुपयांचा खर्च आला.

पिरॅमिडची उंची 18 फूट असून कोलोसिअमची उंची 15 फूट इतकी आहे.

उद्यानात उभारण्यात आलेल्या स्टॅच्यू ऑफ लिबर्टी आणि ताजमहालची उंची 30 फूट आहे.

लवकरच हे उद्यान सर्वसामान्यांसाठी खुलं करण्यात येणार आहे.

उद्यानात उभारण्यात आलेल्या आयफेल टॉवरची उंची 60 फूट, तर पिसाच्या झुकत्या मनोऱ्याची उंची 25 फूट आहे.