ट्रकने ब्रेक दाबल्याने बोरेलो धडकली

वरखेडे फाटा : सुदैवाने जीवितहानी टळली

ठळक मुद्देमुंबई आग्रा महामार्गावरील घटनासुदैवाने जीवितहानी टळलीअपघातस्थळी नागरिकांची गर्दी

लोकमत न्यूज नेटवर्क
धुळे : शहरानजिक मुंबई आग्रा राष्ट्रीय महामार्गावरील वरखेडे फाट्याजवळ ट्रकला मागून चारचाकी वाहनाने जोरदार धडक दिली़ यात वाहनाचे नुकसान झाले असून सुदैवाने जीवितहानी टळली़ अपघाताची ही घटना शुक्रवारी दुपारी घडली़ 
एपी ३१ टीडी १८८९ क्रमांकाचा ट्रक सोनगीरकडून धुळे शहराकडे येत होता़ शुक्रवारी दुपारी साडेबारा वाजेच्या सुमारास मुंबई आग्रा राष्ट्रीय महामार्गावरील वरखेडे फाट्याजवळ हा अपघात घडला़ ट्रक वेगाने जात असताना ट्रकचालकाने अचानक ब्रेक दाबला़ ट्रक मागे असलेले चार चाकी वाहन देखील वेगात असल्यामुळे वाहनचालक वेगावर नियंत्रण मिळवू शकला नाही़ परिणामी ट्रकच्या मागील बाजूस वाहनाची जोरदार धडक बसली़ या अपघातात दोन जणं जबर जखमी झाले़ त्यात साब शिवराम सना पुल राव (रा़ गुंटूर, जि़ कृष्णा, आंध्रप्रदेश) यांच्यासह अन्य एकाचा समावेश आहे़ 
घटना घडल्यानंतर तातडीने जखमींना वैद्यकीय उपचारासाठी भाऊसाहेब हिरे शासकीय वैद्यकीय महाविद्यालयात दाखल करण्यात आले़ जखमींवर रुग्णालयात उपचार सुरु आहेत़