लोकमत न्यूज नेटवर्कयवतमाळ : स्वातंत्र्य संग्राम सेनानी तथा लोकमत वृत्तपत्र समूहाचे संस्थापक संपादक जवाहरलाल दर्डा उपाख्य बाबूजी यांना २३ व्या पुण्यतिथीनिमित्त बुधवारी अभिवादन करण्यात आले. बाबूजींंची समाधी असलेल्या येथील प्रेरणास्थळावर विविध क्षेत्रातील मान्यवरांनी पुष्पअर्पण करून आदरांजली वाहिली. सोशल डिस्टन्सिंगचे पालन करीत अभिवादनाचा कार्यक्रम झाला.दर्डा परिवारातील सदस्यांसह विविध क्षेत्रातील मान्यवर आदरांजली अर्पण करण्यासाठी दाखल झाले होते. शाळा-महाविद्यालयाचे प्राचार्य, शिक्षक, व्यावसायिक आणि राजकीय क्षेत्रातील मंडळींचा यामध्ये समावेश होता. यानिमित्त अनेक जण बाबूजींच्या कार्याची आठवण करून देत होते. त्यांनी बाबूजींना अभिवादन केले. प्रेरणास्थळाच्या प्रवेशद्वारावर ठेवण्यात आलेल्या खुर्चीविषयी अनेक जण जाणून घेत होते.
जवाहरलाल दर्डा यांना आदरांजली
By लोकमत न्यूज नेटवर्क | Published: November 26, 2020 5:00 AM