Rainfall exceeds the annual average | पाऊस वार्षिक सरासरी ओलांडतोय

पाऊस वार्षिक सरासरी ओलांडतोय

ठळक मुद्देजिल्ह्याची सरासरी ९९.३ टक्के : मात्र पिके गेली हाताबाहेर

लोकमत न्यूज नेटवर्क
यवतमाळ : हवामान खात्याने यावर्षी पाऊस वार्षिक सरासरी ओलांडेल, असा अंदाज व्यक्त केला होता. हवामान खात्याचा हा अंदाज तंतोतंत खरा ठरला आहे. सप्टेंबर महिना संपण्याच्या स्थितीत असताना जिल्ह्यात ९९.३ टक्के पावसाची नोंद झाली आहे. यामुळे जिल्हा लवकरच वार्षिक सरासरी ओलांडेल, अशी परिस्थिती निर्माण झाली आहे. यासोबतच परतीचा पाऊस बाकीच आहे. यामुळे शेतकऱ्यांच्या डोक्यावर टांगती तलवार म्हणून यावर्षीचा पाऊस उभा आहे.
यावर्षी ७ जूनला पावसाने हजेरी लावली. मध्यंतरी पावसाने दडी मारली आणि आता काढणीच्या हंगामाला पावसाने पुन्हा मुसंडी मारली. अशी गंभीर परिस्थिती निर्माण झाली आहे. मध्यंतरीच्या काळात २९ टक्के उणे पाऊस जिल्ह्यात असल्याचा अंदाज हवामान खात्याने नोंदविला होता. ऑगस्ट अखेरीस पावसाने जोरदार बॅटींग सुरू केली. सप्टेंबर मध्यापर्यंत हा पाऊस बरसत राहिला. यामुळे पावसाचा उणे टक्केवारीचा क्रमही भरुन निघाला. या अतिरेकी पावसामुळे पिकांचे मात्र मोठ्या प्रमाणात नासधूस झाली आहे. यातून शेतशिवारातील पिके सावरणे शक्य नाही. आॅक्टोबरमध्ये सरासरी १०० टक्के गाठण्याची अपेक्षा आहे.

Web Title: Rainfall exceeds the annual average

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.