बनावट वाहतूक पास वाटणाऱ्या टोळीचा पर्दाफाश

गोपनीय माहितीवरून स्थानिक गुन्हे शाखेच्या पथकाने या टोळीचा छडा लावला. सोमवारी त्यांना ताब्यात घेण्यात आले. अजिंक्य प्रकाश गंगमवार रा. महागाव असे या सायबर कॅफे चालकाचे नाव आहे. त्याने ऑनलाईन पासचा अर्ज भरुन मिळेल अशा स्वरूपाची जाहिरात केली होती. सायबर कॅफेवर अर्ज स्वीकारून ऑनलाईन फिड केले जात होते.

ठळक मुद्देमहागावातील सायबर कॅफे : अजिंक्य कॉम्प्युटरचा संचालक ताब्यात

लोकमत न्यूज नेटवर्कयवतमाळ : लॉकडाऊनच्या काळात जीवनावश्यक वस्तूंची ने-आण करण्यासाठी पोलिसांच्या सायबर सेलकडून पासेस दिल्या जात आहे. पाससाठी ऑनलाईन अर्ज करावा लागतो. हीच बाब हेरुन महागाव येथील अजिंक्य कॉम्प्युटरच्या संचालकाने बनावट पासेसचा गोरखधंदा सुरू केला. गोपनीय माहितीवरून स्थानिक गुन्हे शाखेच्या पथकाने या टोळीचा छडा लावला. सोमवारी त्यांना ताब्यात घेण्यात आले.अजिंक्य प्रकाश गंगमवार रा. महागाव असे या सायबर कॅफे चालकाचे नाव आहे. त्याने ऑनलाईन पासचा अर्ज भरुन मिळेल अशा स्वरूपाची जाहिरात केली होती. सायबर कॅफेवर अर्ज स्वीकारून ऑनलाईन फिड केले जात होते. ज्यांच्या पासेस पोलीस प्रशासनाकडून नाकारण्यात आल्या अशांनाही २०० रुपयात पास देण्याचा गोरखधंदा सुरू केला. हा प्रकार एका सुज्ञ नागरिकाच्या लक्षात आल्यानंतर त्याने स्थानिक गुन्हे शाखेच्या पथकाकडे गोपनीय तक्रार केली. यावरुन स्थानिक गुन्हे शाखेच्या पथकाने सापळा रचून अजिंक्य गंगमवार याला रंगेहात ताब्यात घेतले. हा प्रकार शनिवारी उघडकीस आला. या प्रकरणात भादंवि कलम ४६५, ४६६, ४६८, ४७१, ४७४, ४७६ नुसार तसेच सह कलम ६६ सी नुसार गुन्हा दाखल केला.लॉकडाऊन काळात विविध व्यावसायिकांकडून पासेससाठी ऑनलाईन अर्ज केले जात आहे. पोलिसांच्या सायबर सेलमध्ये या अर्जांची पडताळणी करून खरोखरच आवश्यकता आहे अशांनाच पासेस दिल्या जात आहे. किरकोळ कारण किंवा कागदपत्राची पूर्तता न झालेल्या ऑनलाईन अर्जाला तत्काळ खरीज केले जात होते. याच संधीचा फायदा सायबर कॅफे चालकाने घेतला. किरकोळ कारणाने ऑनलाईन अर्ज केलेल्यांनाही परस्परच बनावट पासेस तयार करून वितरित केल्या. यासाठी त्याने मोठी रक्कमही घेतली. या बनावट पासेस तयार करण्यामध्ये एकूण सहा जणांचा समावेश असल्याचे पोलिसांच्या प्राथमिक तपासात उघडकीस आले आहे.स्थानिक गुन्हे शाखेचे प्रमुख प्रदीप शिरस्कर यांच्या मार्गदर्शनात पुसद उपविभागातील पोलीस उपनिरीक्षक नीलेश शेळके व श्रीकांत जिंद्दमवार या अधिकाऱ्यांनी कर्मचाऱ्यांच्या मदतीने हा गुन्हा उघड केला.हॅकरशी कनेक्शनची माहितीराज्यपातळीवर गाजलेल्या ठाणे क्राईम ब्रँचच्या कारवाईतील एका प्रोफेशनल हॅकर्सशी अजिंक्य गंगमवार संपर्कात असल्याचे सांगण्यात येत आहे. पोलीस पथक त्या दृष्टीनेही तपास करीत आहे. यांचे कनेक्शन असल्यास मोठा गौप्य स्फोट होण्याची शक्यता वर्तविली जात आहे.