जिल्ह्यातील ग्रामीण भागात २५ प्राथमिक आरोग्य केंद्रे आणि १५३ प्राथमिक आरोग्य उपकेंद्रे कार्यान्वित आहेत. लोकसंख्येच्या तुलनेने ही आरोग्य सुविधा आधीच कमी असण्यासह या शासकीय रुग्णालयांमध्ये वर्ग- १ चे २, वर्ग-२ चे, ८० एएनएम, ७० एम.पी.डब्ल्यू., २२ आरोग्य पर्यवेक्षक, ११ आरोग्य सहायक, १० वाहन चालक, २ एडीएचओ आणि स्टॅटीस्टिकल ऑफिसर, डीआरसीएचओ, डीटीओचे प्रत्येकी १ पद रिक्त आहे. वैद्यकीय अधिकारीही कायमस्वरूपी नसून, कंत्राटी तत्त्वावर ३० पदे भरण्यात आली आहेत. यामुळे रुग्णसेवा वारंवार प्रभावित होत असून, गंभीर आजारातील तसेच गर्भवती महिलांना उपचार न करता शहरी भागातील रुग्णालयांकडे ‘रेफर’ करण्यात येत असल्याचे दिसून येत आहे.
..........................
आकडेवारी अशी
प्राथमिक आरोग्य केंद्र - २५
उपकेंद्र - १५३
एकूण कर्मचारी संख्या
२५०/६१२
एकूण रिक्त कर्मचारी संख्या
५६/१४७
......................
कायमस्वरूपी डॉक्टरच नाहीत
जिल्ह्यातील प्राथमिक आरोग्य केंद्र व उपकेंद्रांमध्ये विविध स्वरूपातील महत्त्वाची पदे रिक्त असण्यासोबतच कायमस्वरूपी डॉक्टरही कार्यान्वित नाहीत. आरोग्य विभागाकडून कंत्राटी तत्त्वावर काही महिन्यांपूर्वी १० वैद्यकीय अधिकाऱ्यांची पदे भरली आहेत; मात्र यामुळे प्रश्न सुटलेला नाही.
..................
कोट :
प्राथमिक आरोग्य केंद्र व उपकेंद्रांमधील रिक्त पदे भरण्यासंबंधी शासनाकडे वेळोवेळी पाठपुरावा केला आहे. हा प्रश्न लवकरच निकाली निघणार असून, ग्रामीण भागातील नागरिकांना दर्जेदार आरोग्यविषयक सुविधा पुरविण्याचे सर्वंकष प्रयत्न केले जात आहेत.
- डॉ. अविनाश आहेर
जिल्हा आरोग्य अधिकारी, वाशिम