प्रमुख राजकीय पक्षांकडे इच्छुक उमेदवारांची भाऊगर्दी

कारंजा विधानसभा मतदार संघ १९७८ मध्ये अस्तित्वात आला; ७ वेळा बाहेरील उमेदवाराला प्रतिनिधीत्व करण्याची संधी दिली.

कारंजा : कारंजा विधानसभा मतदार संघ १९७८ मध्ये अस्तित्वात आला असून या मतदार संघात आतापर्यंत आठ उमेदवाराने प्रतिनिधीत्व केले. मात्र या मतदार संघाने ७ वेळा बाहेरील उमेदवाराला प्रतिनिधीत्व करण्याची संधी दिली. सन २00९ च्या निवडणुकीत कारंजा मानोरा मतदार संघात स्थानिक उमदेवारांना दुप्पट मते देवून विजयी केले. हा मतदार संघ राखीव नसल्याने सर्वसाधारण करिता खुला असल्याने होणार्‍या विधानसभेच्या निवडणुकीसाठी पक्षाची उमेदवारी करिता प्रत्येक पक्षाकडे भाऊगर्दी दिसून येत आहे. कारंजा विधानसभा मतदार संघात प्रभावीत असणारे पक्ष यामध्ये राष्ट्रवादी काँग्रेस पक्ष, भारतीय कॉग्रेस, भारतीय जनता पार्टी, शिवसेना, भारिप बहुजन महासंघ, बसपा, महाराष्ट्र नवनिर्माण सेना आदी पक्षाकडून निवडणुक लढविण्यास उमेदवार इच्छुक आहे. मात्र कोणता पक्ष उमेदवार निवडणूक रिंगणात उभा करतो हे निश्‍चित नसले तरी इच्छुकांनी मात्र चांगलीच फिल्डींग लावली आहे. सध्या या विधानसभा मतदारसंघात राष्ट्रवादी पक्षाचे आमदार प्रतिनिधीत्व करीत आहेत. या मतदारसंघासाठी २५ उमेदवार वेगवेगळया पक्षाची उमेदवारी मागण्यासाठी पक्षाकडे शक्ती प्रदर्शन दाखवित आहे. त्यामुळे कोणता पक्ष कोणत्या उमेदवाराला उमेदवारी देते याकडे सर्वांचे लक्ष लागले आहे. राष्ट्रवादी व भारतीय कॉग्रेस पक्षाची युती असल्यामुळे हा मतदार संघ राष्ट्रवादीच्या वाटेला आहे. राष्ट्रवादी पक्षाची उमेदवारी मिळण्यासाठी विद्यमान नामदार व माजी आमदार व भारतीय जनता पार्टी करिता हा मतदार संघ सुटावा याकरिता भाजपा कार्यकर्ते ताकद लावून आहेत. याकरिता भाजपा सुध्दा सेनेवर दबाव तंत्र आणत असल्याची माहिती आहे. शिवसेनेच्यावतिेन काही माजी आमदार, शिवसेना पदाधिकारी , अकोला जि.प.चे काही माजी सदस्य, मानोरा सर्कलचे काही जि.प.सदस्यांसह काही कार्यकर्तेहीइच्छुक आहेत. भारिप किंवा बसपाची उमेदवारी मिळण्याकरिता सुध्दा शहरातील काही दिग्गज तयार असून तशी त्यांनी फिल्डींग लावलेली आहे. कारंजा मानोरा मतदार संघाची विधानसभेची उमेदवारी पक्ष कोणत्या उमेदवाराला जाहीर करतो. त्यावेळी मतदार संघाचे राजकीय समिकरण सांगता येईल. या मतदार संघात २,९७, ८६५, मतदार असून यामध्ये १,४७0८0 पुरुष, १,५0,७८५ महिला आहे. जि.प.एकूण १६ सर्कल तर पंचायत समिती चे ३२ सर्कल असून या मतदारसंघात कोणाला उमेदवारी मिळते याकडे राजकारण्यांचे लक्ष लागले आहे.