‘समृद्धी’ महामार्गाच्या कामाने घेतला वेग; वाशिम जिल्ह्यात ६० टक्के काम पूर्ण

मार्गालगत येणाऱ्या गावानजीक पादचारी आणि प्राण्यांसाठी अंडरपासेसच्या उभारणीला वेग देण्यात आला आहे.

ठळक मुद्देएकूण ६० वाहने अंडरपास आणि वाहनांचे ओव्हरपास तयार केले जात आहेत. वाशिम जिल्ह्याच्या सीमेवर असलेल्या काटेपूर्णा वन्यजीव अभयारण्यातून जातो.

लोकमत न्यूज नेटवर्क

वाशिम : राज्य शासनाच्या महत्त्वाकांक्षी प्रकल्पात समाविष्ट समृद्धी महामार्गाच्या कामाला जिल्ह्यात चांगलीच गती आली आहे. मार्गाचे काम ६० टक्के पूर्ण झाले असून, या मार्गालगत येणाऱ्या गावानजीक पादचारी आणि प्राण्यांसाठी अंडरपासेसच्या उभारणीला वेग देण्यात आला आहे,
नागपूर-मुंबई समृद्धी महामार्ग पाच पॅकेजेसमध्ये विभागलेला आहे. प्रकल्पाच्या पॅकेज २ मध्ये अमरावती, वाशिम आणि बुलडाणा या जिल्ह्यांचा समावेश आहे. महाराष्ट्र समृद्धी महामार्गाचा दुसरा टप्पा अर्थात पॅकेज २ अमरावती जिल्ह्यातून सुरू झाला आहे. या पॅकेजमध्ये पर्यावरणाची विशेष काळजी घेतली जात आहे. पॅकेज २ अंतर्गत या मार्गावर वाशिम जिल्ह्यातील काटेपूर्णा आणि कारंजा सोहळ अभयारण्य येत असल्याने हा भाग पर्यावरणाच्या दृष्टीने गंभीर आहे. पॅकेज २ मधील या प्रस्तावित महामार्गाचा एक भाग अमरावती आणि वाशिम जिल्ह्याच्या सीमेवर असलेल्या काटेपूर्णा वन्यजीव अभयारण्यातून जातो. ही बाब निदर्शनास येताच समृद्धी महामार्गाच्या रचनेत बदल करण्यात आला आहे. ज्यामुळे अभयारण्याचे नुकसान होऊ नये म्हणून महामार्ग यापुढे काटेपूर्णा वन्यजीव अभयारण्यामार्गे जाणार नाही, तर बाहेरून जाईल. भविष्यात वाहतुकीची कोंडी होऊ नये, या दृष्टीने वैशिष्ट्यपूर्ण पायाभूत सुविधा निर्माण करण्यासाठी पॅकेज २ मध्ये पर्यावरणाला संतुलित अशा उपाययोजना आखल्या गेल्या आहेत. नद्यांच्या आणि वृक्षरोपणासारख्या नैसर्गिक स्रोतांचे नुकसान होऊ नये म्हणून, पॅकेज २ मधील प्रस्तावित महामार्गाच्या बांधकामात पुढील काळजी घेतली जात आहे. या पॅकेज अंतर्गत एकूण ६० वाहने अंडरपास आणि वाहनांचे ओव्हरपास तयार केले जात आहेत. याव्यतिरिक्त, एकूण २६ लोअर वाहनांच्या अंडरपास तयार केल्या जात आहेत, तसेच पादचारी आणि प्राण्यांसाठी १८५ खास अंडरपास असून, वाशिम जिल्ह्यात येणाऱ्या अंडरपासेसची कामे वेगात सुरू आहेत.