काँग्रेस काढणार डहाणू प्रांत कार्यालयावर मोर्चा

पालघर जिल्यातील कुपोषण आणि बालमृत्यू रोखण्यास तसेच कॉग्रेसच्या कार्यकर्त्यांवर होणारे हल्ले रोखण्यास असमर्थ ठरलेल्या त्याच प्रमाणे मच्छीमार

डहाणू : पालघर जिल्यातील कुपोषण आणि बालमृत्यू रोखण्यास तसेच कॉग्रेसच्या कार्यकर्त्यांवर होणारे हल्ले रोखण्यास असमर्थ ठरलेल्या त्याच प्रमाणे मच्छीमार, बागायतदार आणि डायमेकर्सचे जीवन उदध्वस्त करणाऱ्या वाढवण बंदराला मान्यता देणाऱ्या भाजप शिवसेना सरकारचा निषेध करण्यासाठी पालघर जिल्हा कॉंग्रसने डहाणू प्रान्त कार्यालयावर गुरुवारी सकाळी १० वाजता प्रचण्ड मोर्चा आयोजित केला असल्याची माहीती राजेन्द्र गावित यांनी पत्रकार परिषदेत दिली. त्यात कॉग्रेसचे हजारो कार्यकर्ते सहभागी होणार असून, त्याची सुरुवात सकाळी १० वाजता डहाणूरोड रेल्वे स्टेशन वरुन होणार आहे. यावेळी भाजप शिवसेना सरकार सर्व पातळ्यांवर कसे अपयशी ठरले आहे, याचा पाढा वाचून अनेक मागण्या माडल्या जाणार आहेत. त्यात प्रामुख्याने अतिवृष्टी झाल्याने ओला दुष्काळ जाहिर करावा. शिवसेना व सत्ताधारी पक्षाच्या गुंडगिरीचा जाहिर निषेध, वनहक्क पट्टातील सर्व्हेे पुन्हा करण्यात यावा, वीज वितरण बिल व्यवस्थेत बदल करा, अंगणवाडी सेविका, मदतनिस याच्या मानधनात वाढ करण्यात यावी, दुर्दशा झालेल्या रस्त्याची दुरुस्ती करण्यात यावी, रेशन कार्डांचा पुन्हा सर्व्हे करण्यात यावा, या मोर्च्यात सहभागी व्हावे असे आवाहनही त्यांनी केले आहे . (वार्ताहर)