नवी दिल्ली - राजधानी दिल्ली जवळील ग्रेटर नोएडा येथे शुक्रवारी सकाळी मोठी दुर्घटना घडली. येथे निर्माण होत असलेल्या एका बिल्डींगमधील लिफ्ट कोसळून अपघात झाला, त्यात ४ जणांचा मृत्यू झाल्याची दुर्दैवी घटना घडली. आम्रपाली ग्रुपकडून ही इमारत उभारण्यात येत असल्याचे समजते. बिसरख पोलीस ठाणे हद्दीतील ड्रीम व्हॅली परिसरात ही इमारत उभारली जात आहे.
लिफ्ट दुर्घटनेची माहिती मिळताच स्थानिक पोलीस व प्रशासनाने घटनास्थळी धाव घेतली आहे. लिफ्टमधील मृतांचे शव बाहेर काढण्यात आले असून शवविच्छेदनासाठी पाठवण्यात आले आहे. याप्रकरणी, पोलिसांकडून अधिक तपास सुरू असून जमखींना रुग्णालयात दाखल करण्यात आले आहे.
ठाण्यातील दुर्घटनेत ७ जणांचा मृत्यू
ठाणे जिल्ह्यात याच आठवड्यात सोमवारी लिफ्ट दुर्घटनेत ७ जणांना आपला जीव गमवावा लागला होता. ठाण्यातील बालकुम नाक्याजवळ सिंघानिया रवना कंपनीकडून इमारत उभारण्यात येत होती. या इमारतीच्या बांधकामासाठी काम करत असलेल्या कामगारांसोबत ही दुर्घटना घडली. इमारतीच्या १६ व्या मजल्याजवळ लिफ्टची तार तुटल्याने लिफ्ट खाली कोसळली. त्यामध्ये, लिफ्टमधील सर्वच ७ जणांचा दुर्दैवी मृत्यू झाला होता.