मतदान ताज्या मराठी बातम्या | Voting Online News in Marathi at Lokmat.com

- जितेंद्र कालेकरठाणे : कोपरी-पाचपाखाडी आणि ओवळा-माजिवडा या मतदारसंघांतील अनेक मतदानकेंद्रांमध्ये मतदारांच्या नावांतील घोळ आणि मतदानयंत्रांतील बिघाडामुळे मतदारांनी तीव्र नाराजी व्यक्त केली. तर, दिव्यांग मतदारांसाठी तळमजल्यावर मतदानकेंद्र असल्यामुळे या मतदारांनी समाधान व्यक्त केले.कोपरीतील वनविभागाच्या वसाहतीमध्ये ३६३ ते ३६५ ही तीन मतदानकेंद्रे होती. याठिकाणी करण भोईर यांचे नाव ३६३ ऐवजी ३५२ मध्ये आल्यामुळे त्यांना बराच मनस्ताप सहन करावा लागला. सकाळी ११ ते १२ या दरम्यान या दोन्ही ठिकाणी आपले नाव शोधण्यातच त्यांना बराच वेळ खर्च करावा लागला. ३६३ मध्येच स्वाती सावे या शिक्षिकेचे नाव स्वाती साबे असे मतदारयादीत प्रसिद्ध झाले होते. अनेकांनी निवडणूक आयोगाच्या आवाहनानंतर मतदारांच्या पुनर्नोंदणीत नावाचा समावेश करूनही त्यांचे नाव मतदारयादीत आले नसल्याचे कोपरीतील शिवसेना कार्यकर्त्या नीलम भोईर यांनी सांगितले.याच परिसरातील अनंत नागेश नार्वेकर यांच्या मुलाचे नावही सचिन अनंत गलगले (४५) असे मतदारयादीत आले. नार्वेकर हे कोपरीतील विजयनगर येथे वास्तव्याला असून त्यांनाही मतदानासाठी अनेक पुराव्यांची जमवाजमव करताना दमछाक झाली. नाशिक येथून ठाण्यातील मतदारयादीत नाव नोंदविलेल्या मुकुंद खुटे यांनाही बऱ्याच परिश्रमानंतर आपले नाव मिळाले. त्यानंतर, त्यांनी वनविभागाच्या मतदानकेंद्रावर मतदान केले.ब्राह्मण विद्यालयात तांत्रिक बिघाड, अर्धा तास मतदान बंदओवळा-माजिवडा मतदारसंघातील वर्तकनगर येथील ब्राह्मण विद्यालयातील मतदानकेंद्र क्रमांक ३६३ येथील मतदानयंत्रामध्ये दुपारी १२ वाजण्याच्या सुमारास बिघाड झाला होता. त्यामुळे भीमा राठोड यांच्यासह १० ते १५ जणांना, तर ३५८ क्रमांकाच्या मतदानकेंद्रावर पोपट सोनवणे यांच्यासह २० ते २५ जणांना अर्धा ते एक तास ताटकळत उभे राहावे लागले.सुमारे अर्ध्या तासाच्या अंतराने येथील ईव्हीएमयंत्र बदलण्यात आले. त्यानंतर मतदानप्रक्रिया सुरळीत झाली. एकाच ठिकाणी दोन ते तीन वेळा मतदानयंत्रांत बिघाड झाल्यामुळे शिवसेनेच्या नगरसेविका विमल भोईर आणि मनसेचे शाखाध्यक्ष संतोष निकम, प्रसाद भांदीगरे यांनी मतदानकेंद्र अधिकाऱ्यांकडे नाराजी व्यक्त केली. अनेकांनी या केंद्रावर वेळ वाढवून देण्याचीही मागणी केली. ती मान्य केल्यानंतर वातावरण निवळले.स्वच्छतागृहाचीही असुविधा : ओवळा-माजिवडा मतदारसंघातील लोकमान्यनगरपाडा क्रमांक-३, परेरानगर येथील द्रौपदीबाई इंदिसे शाळेतील मतदानकेंद्रावर स्वच्छतागृहाचीही सुविधा नसल्याने त्याठिकाणी असलेल्या महिला अधिकारी, कर्मचारी यांनी मतदानकेंद्राध्यक्षांकडे याबाबत तीव्र नाराजी व्यक्त केली.एकीकडे सखी मतदानकेंद्रांची संकल्पना राबविण्यात येत असताना, अशा गैरसोयींमुळे महिला कर्मचाºयांची कुचंबणा होते. या बाबींकडेही निवडणूक यंत्रणेने गांभीर्याने लक्ष देण्याची गरज असल्याची तक्रार येथील महिला कर्मचाºयांनी सोमवारी पहाटे ५.३० वाजताच केली. त्यामुळे मतदान सुरू होण्यापूर्वीच आपल्याच कर्मचाºयांची समजूत काढण्याची वेळ येथील अधिकाºयांवर आली होती.१0८ वर्षीय विठाबार्इंचे मतदान : ठाणे पूर्वेतील कोपरी गावातील १०८ वर्षीय विठाबाई दामोदर पाटील या आजीबार्इंनीही गावातीलच शाळा क्रमांक १६ या मतदानकेंद्रावर सोमवारी सकाळी आपला मतदानाचा हक्क बजावला. अनेकदा कोणतेही कारण नसताना तरुण मतदार मात्र मतदानामुळे काय होणार आहे, अशी लंगडी सबब पुढे करून मतदानापासून चार हात लांब राहतात. अशा नवमतदारांसमोर या १०८ वर्षीय विठाबार्इंनी मात्र एक वेगळा आदर्श निर्माण केला आहे.

मतदान, मराठी बातम्याFOLLOW

Voting, Latest Marathi News

Maharashtra Election 2019: भायखळा मतदारसंघात सकाळपासून मतदारांचा निरुत्साह दिसून आला. ...

Maharashtra Election 2019: दुपारच्या सुमारास ८३ वर्षांचे आत्माराम जाधव हे आजोबा मतदानासाठी केंद्रावर धडकले. ...

Maharashtra Election 2019: वाढलेले मतदान कुणासाठी लाभदायक ठरणार? ...

Maharashtra Election 2019: मेट्रो, क्लस्टर, स्मार्ट सिटी, काळू धरणाचाही पडला नाही मोह ...

Maharashtra Election 2019: तरुणाईसोबत ज्येष्ठांचाही उत्साह ...

Maharashtra Election 2019: व्हीव्हीपॅट मशीनमुळे मतदानास विलंब होत असल्याने मतदारांच्या लांबचलांब रांगा लागल्याचे चित्र होते. ...

Maharashtra Election 2019: परेरानगरातील मतदानकेंद्रावर स्वच्छतागृहाचाही अभाव ...