रेल्वे मराठी बातम्या | railway, Latest News & Live Updates in Marathi | Marathi News (ताज्या मराठी बातम्या) at Lokmat.com

पालघर :- पश्चिम रेल्वेच्या केळवे रोड रेल्वे स्थानकाजवळ मालगाडीचे इंजिन फेल झाल्याने रेल्वे वाहतूक ठप्प झाली आहे. यामुळे मुंबईकडे येणाऱ्या आणि जाणाऱ्या गाड्यांवर परिणाम झाला असून, सध्या त्या २० ते २५ मिनिटे उशिराने धावत आहेत.केळवे रोडजवळ मुंबईकडे जाणाऱ्या मालगाडीचे इंजिन अचानक फेल झाल्याने पश्चिम रेल्वेची वाहतूक विस्कळीत झाली. या घटनेमुळे मुंबईकडे जाणारी वंदे भारत एक्सप्रेस देखील पालघर रेल्वे स्थानकावर थांबून राहिली आहे. तसेच, गुजरातहून येणाऱ्या लांब पल्ल्याच्या गाड्या देखील पालघर स्थानकावर थांबवण्यात आल्या आहेत.रेल्वे अधिकाऱ्यांची तत्काळ कारवाई घटनेची माहिती मिळताच रेल्वे अधिकारी आणि कर्मचारी तातडीने केळवे रोड परिसरात दाखल झाले आहेत. फेल झालेल्या मालगाडीच्या इंजिनची दुरुस्ती करण्याचे काम हाती घेण्यात आले आहे. रेल्वेच्या तांत्रिक पथकाने घटनास्थळी पोहोचून दुरुस्ती प्रक्रिया सुरु केली आहे, ज्यामुळे लवकरच वाहतूक सुरळीत होण्याची शक्यता आहे.या इंजिन फेलमुळे रेल्वे प्रवाशांना काही काळासाठी त्रास सहन करावा लागला आहे. परंतु रेल्वे प्रशासनाने दिलेल्या माहितीप्रमाणे, मालगाडीच्या इंजिनची दुरुस्ती प्रक्रिया गतीने चालू आहे आणि लवकरच रेल्वे वाहतूक पूर्ववत करण्यात येईल.

रेल्वेFOLLOW

Railway, Latest Marathi News

रेल्वेच्या सर्व आरक्षित डब्यांवर देखरेख ठेवण्यासाठी पुरेसे तिकीट तपासणी कर्मचारी तैनात करण्यात आले आहेत. ...

हेडफोन लावून रेल्वे रुळावर बसल्याने एका विद्यार्थ्याने जीव गमावला आहे. ...

अंत्योदय एक्स्प्रेसमध्ये क्षमतेपेक्षा २२ टक्के अधिक तिकीट विक्री झाली होती. ...

रेल्वेने घाईगडबडीत ही विशेष गाडी चालवण्याचा निर्णय घेतानाच प्रवाशांना याबाबत पुरेशी माहिती दिली नाही. ...

वंदे भारत एक्सप्रेससह लांब पल्ल्याच्या गाड्या प्रभावित. ...