जयंत पाटीलFOLLOW

युनूस शेखइस्लामपूर : ईश्वरपूर नगरपालिकेच्या सार्वत्रिक निवडणुकीसाठीचा बिगुल वाजल्यानंतर प्रशासकीय यंत्रणा सज्ज झाली आहे. आचारसंहितेच्या काटेकोर अंमलबजावणीसाठी स्वतंत्र कक्षासह विविध पथकांची नियुक्ती करण्याच्या कामाला सुरुवात झाली आहे. यावेळची निवडणूक ही बहुरंगी होण्याची चिन्हे आहेत.गेल्या नऊ वर्षांपूर्वी नोव्हेंबर २०१६मध्ये पालिकेची निवडणूक झाली होती. त्या सभागृहाची मुदत २०२१मध्ये संपल्यानंतर जानेवारी २०२२पासून प्रशासकीय राजवटीचा कारभार सुरू झाला होता. त्यानंतर ३ वर्षे १० महिन्यांच्या कालावधीनंतर आता नव्या सभागृहासाठी २ डिसेंबर रोजी मतदान होणार आहे.गेल्या निवडणुकीत आमदार जयंत पाटील यांच्या नेतृत्त्वाखालील गटाची ३१ वर्षांची सत्ता उलथवून टाकत विकास आघाडीच्या निशिकांत भोसले-पाटील यांनी नगराध्यक्ष पदाच्या निवडणुकीत बाजी मारली होती. मात्र, प्रभागातील संख्या बळात अपक्षाची साथ घेत राष्ट्रवादीने सभागृहातील बहुमत आपल्याकडे राखले होते. त्यामुळे विविध विषय समित्यांच्या सभापतीपदी राष्ट्रवादीचे नगरसेवक राहिले होते. विकास आघाडीचे १३ नगरसेवक, तर राष्ट्रवादीचे १४ नगरसेवक निवडून आले. एका जागी अपक्ष उमेदवाराने बाजी मारली होती.यावेळच्या निवडणुकीसाठी आ. जयंत पाटील यांच्या राष्ट्रवादीने महाविकास आघाडीतील घटक पक्षांना विचारात न घेताच नगराध्यक्षपदासाठी ज्येष्ठ नगरसेवक, माजी नगराध्यक्ष आनंदराव मलगुंडे यांच्या नावाची घोषणा करून खळबळ उडवून दिली होती. दुसरीकडे विकास आघाडी म्हणून की महायुती म्हणून लढायचे, अशा संभ्रमात असलेल्या गटाकडून अद्याप नगराध्यक्षपदाचा उमेदवार जाहीर झालेला नाही. या गटाकडून माजी नगरसेवक विश्वनाथ डांगे यांच्या नावावर एकमत झाल्याची चर्चा असली तरी अद्याप अधिकृत घोषणा झालेली नाही. दुसरीकडे काँग्रेसने स्वबळावर लढण्याची तयारी चालवली असून, नगराध्यक्षपदाच्या निवडणुकीत त्यांचाही उमेदवार येण्याची शक्यता आहे. शहरातील इतर सामाजिक, पुरोगामी, परिवर्तनवादी आणि डाव्या विचारांना मानणाऱ्या गटांचीही निवडणूक रिंगणात उतरण्याची तयारी सुरू आहे. त्यामुळे यावेळची निवडणूक बहुरंगी होण्याची चिन्हे आहेत.मावळत्या सभागृहातील बलाबलनगराध्यक्ष- विकास आघाडी - १नगरसेवक - विकास आघाडी -१३नगरसेवक- राष्ट्रवादी-१४अपक्ष - १एका प्रभागाची वाढयंदाच्या निवडणुकीत एका प्रभागाची वाढ होत ती १५ इतकी झाली आहे. या १५ प्रभागांतून ३० नगरसेवक निवडले जाणार आहेत. नगराध्यक्ष आणि नगरसेवकपदाच्या मतदानासाठी ६४ हजार २१५ इतकी मतदार संख्या आहे. प्रभाग १५ हा सर्वाधिक ५,५९५ मतदार संख्येचा आहे. त्याखालोखाल प्रभाग क्र. २ हा ५,१९३ आणि प्रभाग क्र. ६ हा ५,०९७ मतदार संख्येचा आहे. प्रभाग क्रमांक ११ हा सर्वात कमी २,७४५ मतदार संख्येचा आहे.

लाईव्ह न्यूज :

नगरपालिका निवडणुकीत 'तारीख पे तारीख'

संसद अधिवेशनातून...

पुतिन भारतात येताहेत...

गंभीर, 'रो-को' अन् टीम इंडिया

CM देवेंद्र फडणवीस

PM नरेंद्र मोदी

ठाकरेंचे 'मिशन मुंबई'

एकनाथ शिंदे

लोकमत ई-पेपर

शहरं

मनोरंजन

व्हिडीओ

जयंत पाटीलFOLLOW

Read more

सांगली : माझे मंत्रिमंडळ ‘फुल्ल’, आता ‘व्हॅकन्सी’ नाही; जयंत पाटील यांचे नाव न घेता मुख्यमंत्र्यांचा टोला

सांगली : Sangli: जयंत पाटील यांनी ईश्वरपूर मतदारसंघात तळ ठोकला, शिंदेसेनेविरुध्द मोर्चेबांधणी

सांगली : लाडकी बहीण योजनेला जयंत पाटील यांनी विरोध केला - सुनील तटकरे

सांगली : Sangli-Local Body Election: तडीपार, मोक्यात अडकलेल्यांना थारा देऊ नका - जयंत पाटील

सांगली : Sangli: आष्ट्यात विरोधकांचे बेरजेचे नाही तर, वजाबाकीचे राजकारण

सांगली : Sangli Politics: जयंत पाटीलविरोधी एकत्र गटासाठी चेंडू मुख्यमंत्र्यांकडे, विकास आघाडीचे जुळता-जुळेना

सांगली : Sangli: जयंत पाटील विरोधी आघाडीत बिघाडी, गटनेत्यांच्या भूमिका वेगवेगळ्या असल्याने परिणाम

सांगली : Sangli: उरुण-ईश्वरपूर पालिकेत बहुरंगी लढतीची शक्यता

महाराष्ट्र : निवडणुकांचा पत्ता नाही अन् शरद पवार गटाचा नगराध्यक्षपदाचा उमेदवार जाहीर; जयंत पाटील मैदानात