पती- जोडीदारFOLLOW

Chhattisgarh Crime: छत्तीसगडमधील बलौदाबाजार जिल्ह्यातील भोथीडीह गावात घडलेल्या एका धक्कादायक हत्याकांडाचा पोलिसांनी उलगडा केला आहे. काही दिवसांपूर्वीच येथे एका युवकाचा मृतदेह रेल्वे ट्रॅकवर आढळून आला होता. तपासात समोर आले आहे की, ही हत्या मृतकाच्या पत्नीने सुपारी किलर्समार्फत घडवून आणली आहे. दरम्यान, हत्येमागील कारण ऐकून तुम्हालाही धक्का बसेल.रेल्वे ट्रॅकवर सापडला शिरच्छेद केलेला मृतदेहहथबंद पोलीस ठाणे हद्दीतील हथबंद-भाटापारा रेल्वे ट्रॅकवर 11 जानेवारी 2026 रोजी सकाळी स्थानिकांना एका व्यक्तीचा शिरच्छेद केलेला मृतदेह आढळून आला. घटनेची माहिती मिळताच पोलिसांनी घटनास्थळी धाव घेतली. मृतदेहाचे शीर गायब असल्याने सुरुवातीला हा रेल्वे अपघात असल्याचा संशय व्यक्त करण्यात आला. मृतकाच्या उजव्या हाताच्या मनगटावर इंग्रजीत गोंदवलेल्या टॅटूमुळे तो भोथीडीह गावचा रहिवासी कुमार जोशी (वय 39) असल्याचे समोर आले. पत्नीनेच आखला कटपोलिस तपासात उघड झाले की, कुमार जोशी याच्या हत्येमागे त्याची पत्नी कुसुम जोशी हिचा हात होता. पोलिसांनी कुसुमला अटक केली असून, चौकशीत तिने धक्कादायक खुलासे केले आहेत. पतीकडून दीर्घकाळ मानसिक व शारीरिक छळ होत असल्याचे, तसेच अनैसर्गिक संबंधांसाठी जबरदस्ती, मारहाण आणि इतर पुरुषांशी संबंध ठेवण्याचा दबाव टाकला जात असल्याचा दावा तिने केला आहे. या छळाला कंटाळून कुसुमने पतीला संपवण्याचा कट रचला.40 हजारांत दिली हत्येची सुपारीपोलिसांच्या माहितीनुसार, कुसुमने आपला मामा राजेश भारती (वय 32) याची मदत घेतली. त्यानंतर दारासिंह अनंत (वय 44) आणि करन अनंत (वय 34) या दोन कॉन्ट्रॅक्ट किलर्सशी संपर्क साधून 40 हजार रुपयांत हत्येची सुपारी देण्यात आली.दारू पाजून मारहाण, नंतर शिरच्छेदघटनेच्या दिवशी कुसुमने पतीला बहाण्याने दरचुरा गावातील मामाच्या घरी नेले. तिथे आधीच सुपारी किलर्स उपस्थित होते. सर्वांनी मिळून कुमारला दारू पाजली आणि जबर मारहाण केली. तो बेशुद्ध झाल्यानंतर त्याला कारमधून सुमारे 20 किलोमीटर अंतरावर हथबंद-भाटापारा रेल्वे ट्रॅकजवळ नेण्यात आले. तिथे तलवारीने त्याचा शिरच्छेद करण्यात आला. हत्येनंतर धड रेल्वे ट्रॅकवर फेकून देण्यात आले, जेणेकरून हा प्रकार रेल्वे अपघात वाटावा. तर डोके सुमारे 10 किलोमीटर दूर नेऊन जमिनीत पुरण्यात आले.चार दिवसांत उलगडा; सर्व आरोपी अटकेतपोलिसांच्या माहितीनुसार, हत्या होत असताना कुसुम घटनास्थळी उपस्थित नव्हती. ती मामाच्या घरीच थांबली होती, तर मामा आणि दोन्ही सुपारी किलर्सचा प्रत्यक्ष घटनेत सहभाग आहे. घटनेनंतर चार दिवस चाललेल्या तपास, शोधमोहीम आणि चौकशीनंतर पोलिसांनी या संपूर्ण हत्याकांडाचा पर्दाफाश केला असून पत्नी, मामा आणि दोन्ही कॉन्ट्रॅक्ट किलर्सना अटक करण्यात आली आहे.

लाईव्ह न्यूज :

युद्धविरामावरून वाक्-युद्ध

'आप'मध्ये उभी फूट

निवडणुकीचे वारे

PM नरेंद्र मोदी

IPL 2026

भोंदू खरातचा पर्दाफाश

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

पती- जोडीदारFOLLOW

पती - पत्नी Husband and Wife Relationship- वैवाहिक संबंधातील जोडीदार, नात्यातले प्रश्न आणि सहजीवन याविषयी सर्वकाही.

Read more

पुणे : PMC Election 2026: पिता-पुत्र, पती-पत्नी, दोघे भाऊ, सासू-सुना निवडणुकीच्या रिंगणात; पुण्यात एकाच घरातून अनेक उमेदवार

क्राइम : बायकोने केलं लाखोंचं कर्ज, हप्ते भरून पती झाला कंगाल; अखेर कानपूरच्या व्यापाऱ्याने संपवलं जीवन!

क्राइम : पत्नीच्या हातात-पायाला इलेक्ट्रिक वायर गुंडाळल्या अन्...; अनैतिक संबंधाच्या संशयाने पती बनला हैवान!

राष्ट्रीय : नैनीतालमध्ये गर्लफ्रेंडसोबत फिरत होता नवरा, अचानक समोर आली बायको; मग जे झालं...

क्राइम : दोघांनी संसाराची स्वप्न बघितली, प्रेमविवाह केला पण भयंकर घडलं; पती-पत्नीमध्ये काय बिनसलं?

बुलढाणा : Buldhana Crime: चारित्र्याच्या संशयातून पत्नी व चार वर्षीय मुलाचा निर्घृण खून

पुणे : मूल होत नसल्याने नेहमी वाद; चारित्र्यावरही संशय, बायकोचा गळा दाबून खून करून नवरा पोलीस ठाण्यात हजर

क्राइम : नागपुरात पतीने घेतला गळफास, त्याआधी बंगळुरूत पत्नीने संपवलं जीवन; नेमकं घडलं तरी काय?