Gram panchayat Election | Gram panchayat Election results 2023| Gram panchayat result | Maharashtra Panchayat Election Results 2023

लोकमत न्यूज नेटवर्क वाशिम : जिल्ह्यातील १६३ ग्रामपंचायतींच्या सार्वत्रिक निवडणुकीसाठी १५ जानेवारी रोजी मतदान होत आहे. १४८७ जागेसाठी एकूण ४२५६ उमेदवारी अर्ज दाखल झाले असून, ४ जानेवारी रोजी उमेदवारी अर्ज मागे घेतल्यानंतर निवडणूक लढतीचे चित्र स्पष्ट होणार आहे. जिल्ह्यातील १६३ ग्रामपंचायतींचा पाच वर्षांचा कालावधी संपुष्टात आल्याने वाशिम तालुक्यातील २४, रिसोड ३४, मालेगाव ३०, मंगरूळपीर २५, कारंजा २८ आणि मानोरा तालुक्यातील २२ अशा एकूण १६३ ग्रामपंचायत निवडणुकीसाठी १५ जानेवारी रोजी मतदान होत आहे. २३ ते ३० डिसेंबर या कालावधीत ४२४२ उमेदवारांनी ४३९० अर्ज सादर दाखल केले होते. छाननीत ८९ उमेदवारांचे १३४ अर्ज बाद झाल्याने ४१५३ उमेदवारांचे ४२५६ अर्ज कायम राहिले. एकूण १४८७ जागेसाठी ४२५६ उमेदवारांचे अर्ज दाखल असल्याने अनेक ठिकाणी तिरंगी लढतीचे संकेत आहेत. दरम्यान, बंडखोरी टाळण्यासाठी असंतुष्टांना खूश करण्याचा प्रयत्न पॅनलप्रमुखांकडून होत असल्याचे दिसून येते. उमेदवारी अर्ज मागे घ्यावा यासाठी विविध प्रलोभणेही देण्याचा प्रयत्न होत असल्याची चर्चा राजकीय वर्तुळात रंगत आहे. ४ जानेवारी रोजी दुपारी ३ वाजेपर्यंत उमेदवारी अर्ज मागे घेण्याची अंतिम वेळ आहे. अर्ज मागे घेण्याच्या मुदतीनंतर निवडणूक लढतीचे चित्र स्पष्ट होणार असल्याने राजकीय आखाडा चांगलाच रंगण्याची चिन्हे आहेत. या ग्रामपंचायतींकडे विशेष लक्ष वाशिम तालुक्यातील काटा, अनसिंग, पार्डीटकमोर, तामशी, तोंडगाव, वारा जहॉंगीर, सावरगाव जिरे, वारला, रिसोड तालुक्यातील रिठद, चिखली, कवठा, गोभणी, मांगूळझनक, केनवड, वाकद, हराळ, मालेगाव तालुक्यातील शिरपूर, किन्हीराजा, जऊळका रेल्वे, चिवरा, मेडशी, तिवळी, डोंगरकिन्ही, मंगरूळपीर तालुक्यातील कवठळ, शेलुबाजार, वनोजा, सायखेडा, मानोरा तालुक्यातील कारखेडा, इंझोरी, वाईगौळ, गादेगाव, कारंजा तालुक्यातील कामरगाव, उंबर्डाबाजार, धामणीखडी आदी ग्रामपंचायतींमधील प्रमुख लढती कशा राहतील, याकडे राजकीय क्षेत्राचे लक्ष लागून आहे. आज निवडणूक चिन्हांचेही वाटप होणार सोमवार, दि. ४ जानेवारी २०२१ रोजी दुपारी ३ वाजेपर्यंत उमेदवारी अर्ज मागे घेण्याची अंतिम वेळ आहे. सोमवारी दुपारी ३ वाजेनंतर उमेदवारांना निवडणूक चिन्हाचे वाटप केले जाणार आहे. मतदारांना सहजरीत्या समजू शकेल, आकर्षित करू शकेल असे निवडणूक चिन्ह मिळावे, याकडे उमेदवारांचा कल असल्याची चर्चा आहे. १५ जानेवारी रोजी सकाळी ७.३० ते सायंकाळी ५.३० वाजेदरम्यान मतदान, तर १८ जानेवारी रोजी मतमोजणी होणार आहे.

Gram Panchayat Election results 2023FOLLOW

Gram panchayat, Latest Marathi News

यंत्रणेपुढे पेच : जिल्ह्याला मिळाला अवघा सव्वासोळा लाख रुपयांचा निधी ...

या ग्रामपंचायत निवडणुकीत खरे तर भाजप आणि राष्ट्रवादी काँग्रेसमध्ये काटे की टक्कर पाहायला मिळणार होती... ...

Efforts are being made to withdraw from the Gram Panchayat जिल्ह्यात या निवडणुकीसाठी १६ हजार ९४२ उमेदवारांनी १६ हजार ९५७ अर्ज दाखल केले आहेत. ...

Gram Panchayat Election: पॅनल बांधून दोन किंवा तीन जागांवर असलेल्या उमेदवारांना एकसमान चिन्ह मिळणार नाही. ...

Gram Panchayat Election: ४ जानेवारी रोजी उमेदवारी अर्ज मागे घेतल्यानंतर निवडणूक लढतीचे चित्र स्पष्ट होणार आहे. ...