डोनाल्ड ट्रम्पFOLLOW

Iran US war Donald Trump Latest News: इराणसोबत सुरु असलेल्या युद्धाबद्दल अमेरिकेचे अध्यक्ष डोनाल्ड ट्रम्प यांनी एक मोठे विधान केले आहे. सोशल ट्रूथ या सोशल मीडियावर एक पोस्ट शेअर करत ट्रम्प म्हणाले की, आम्ही (अमेरिका) इराणसोबतचे युद्ध लवकरच थांबवण्याचा विचार करत आहोत. पण, ट्रम्प यांनी होर्मुझ सामुद्रधुनीबद्दलही एक महत्त्वाचं विधान केले आहे. अमेरिका होर्मुझ सामुद्रधुनी आणि इराणच्या भूमीवर सैन्य उतरवण्याच्या तयारीत असल्याचे रिपोर्ट्स समोर येत असतानाच अध्यक्ष डोनाल्ड ट्रम्प यांनी युद्ध थांबवण्याबद्दल भूमिका मांडली आहे. अमेरिका उद्दिष्ट साध्य करण्याच्या खूप जवळ -ट्रम्पअध्यक्ष डोनाल्ड ट्रम्प म्हणाले की, "आम्ही इराणच्या दहशतवादी सरकारविरोधात मध्य पूर्वेत सुरू असलेली आमची मोठी लष्करी मोहीम हळूहळू थांबवण्याचा विचार करत आहोत. कारण आम्ही आमची उद्दिष्टे साध्य करण्याच्या खूप जवळ आहोत."युद्ध थांबवण्याच्या विचारात असल्याचे सांगतानाच ट्रम्प यांनी आणखी अट ठेवली आहे. अमेरिकेचे अध्यक्ष म्हणाले, "याची (होर्मुझ सामुद्रधुनी) देखरेख आणि संरक्षण करण्याची जबाबदारी त्या देशांनी घ्यायला हवी, जे याचा वापर करतात."होर्मुझ सामुद्रधुनी ही तेल-गॅस निर्यात होणारा एक महत्त्वाचा मार्ग आहे. रिपोर्ट्सनुसार जगाच्या एकूण तेल निर्यातीपैकी २० टक्के तेल होर्मुझ सामुद्रधुनीत जाते. संरक्षण करण्यासाठी अमेरिका 'त्या' देशांना मदत करेनडोनाल्ड ट्रम्प यांनी पुढे म्हटले आहे की, "जर आम्हाला सांगितले, तर आम्ही या देशांना होर्मुझ सामुद्रधुनीच्या सुरक्षेशी संबंधित प्रयत्नांना मदत करू. पण, इराणचा धोका संपल्यानंतर याची गरज पडणार नाही. महत्त्वाची बाब ही आहे की, या देशांसाठी ही एक सोप्पी लष्करी मोहीम असेल."युद्धातून अमेरिकेने काय मिळवले? ट्रम्प यांनी सांगितले२८ फेब्रुवारीपासून सुरु झालेल्या या युद्धात अमेरिकेने काय साध्य केले, या प्रश्नाचे उत्तरही ट्रम्प यांनी दिले आहे. ट्रम्प यांनी दावा केला की, "इराणची मिसाईल क्षमता पूर्णपणे नष्ट करण्यात आली आहे आणि इराणच्या लष्करी औद्योगिक तळालाही पूर्णपणे उद्ध्वस्त करण्यात आले आहे. त्याचबरोबर याचीही खात्री करण्यात आली की, इराण कधीही अणुबॉम्ब बनवण्याच्या जवळही पोहोचणार नाही."ट्रम्प म्हणाले की, "मध्य पूर्वेत अमेरिकेने आपले सहकारी देश इस्रायल, सौदी अरेबिया, कतार, संयुक्त अरब अमिरातील, बहरीन, कुवैत आणि इतर देशांना सर्वोच्च सुरक्षा दिली आहे."

लाईव्ह न्यूज :

युद्धविरामावरून वाक्-युद्ध

'आप'मध्ये उभी फूट

निवडणुकीचे वारे

PM नरेंद्र मोदी

IPL 2026

भोंदू खरातचा पर्दाफाश

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

डोनाल्ड ट्रम्पFOLLOW

Read more

आंतरराष्ट्रीय : इराण युद्ध जवळजवळ संपले, तेल पुरवठा थांबवू देणार नाही; डोनाल्ड ट्रम्प यांचे मोठे विधान

आंतरराष्ट्रीय : रशियन तेलाबाबत भारताला सवलत दिल्याने अमेरिकेत संताप, विरोधी पक्ष ट्रम्पविरोधात आक्रमक

आंतरराष्ट्रीय : हे काय केलं...? इराणसोबत युद्ध सुरू असतानाच अमेरिका संतापली, इस्रायलनं कुठे केला एवढा भीषण हल्ला?

आंतरराष्ट्रीय : इराणच्या सर्वोच्च नेतेपदी मोजतबा खामेनेईंची निवड; डोनाल्ड ट्रम्प म्हणाले, बघुया, पुढे...

आंतरराष्ट्रीय : 'या' व्यक्तीसोबत मिळून घेणार इराण युद्ध थांबविण्याचा निर्णय; डोनाल्ड ट्रम्प यांचे मोठे विधान

आंतरराष्ट्रीय : कच्चे तेल १०६ डॉलरवर...! डोनाल्ड ट्रम्प यांचे धक्कादायक वक्तव्य, म्हणाले...

संपादकीय : संपादकीय : वटवट आणि चुप्पी! अमेरिकेचे एकतर्फी निर्बंध आणि भारताचे राष्ट्रीय हित

आंतरराष्ट्रीय : 'खामेनेईंच्या हत्येचा बदला घेणार; डोनाल्ड ट्रम्प यांना किंमत मोजावी लागेल', इराणचा थेट इशारा