डोनाल्ड ट्रम्पFOLLOW

Elon Musk on Tax and Spending bill: डोनाल्ड ट्रम्प हे अमेरिकेचे राष्ट्राध्यक्ष झाल्यानंतर ट्रम्प प्रशासनाच्या 'डिपार्टमेंट ऑफ गव्हर्नमेंट इफिशियन्सी'म्हणजे खर्च कपात विभागात टेस्लाचे मालक इलॉन मस्क दाखल झाले होते. मात्र एका विधेयकावरुन केलेल्या टीकेनंतर मस्क नुकतेच ट्रम्प सरकारमधून बाहेर पडले. त्यानंतर आता इलॉन मस्क यांनी अमेरिकेचे अध्यक्ष डोनाल्ड ट्रम्प यांच्या एका मोठ्या कर आणि खर्च विधेयकावर जोरदार टीका केली आहे. हे विधेयक खूप घृणास्पद असल्याचे मस्क यांनी म्हटलं. मी आता हे सहन करु शकत नाही असेही मस्क म्हणाले. त्यामुळे आता ट्रम्प यांच्या विजयात मोठा वाटा असणारे इलॉन मस्क हे राष्ट्राध्यक्षांच्या विरोधात जात असल्याचे पाहायला मिळत आहे.अवघ्या चार महिन्यांत सरकारमधून इलॉन मस्क बाहेर पडले. ट्रम्प यांच्या अर्थसंकल्पाबद्दल निराशा व्यक्त करत मस्क सरकारमधून बाहेर पडले होते. अर्थसंकल्पामध्ये मल्टी ट्रिलियन डॉलरच्या कर सवलती आणि संरक्षण खर्च वाढवण्याचे प्रस्ताव होते. त्यानंतर आता मस्क यांनी पुन्हा एकदा डोनाल्ड ट्रम्प यांनी स्वाक्षरी केलेल्या अर्थसंकल्पीय विधेयकावर हल्लाबोल केला आहे. मस्क यांनी वन बिग ब्युटीफुल बिल म्हणून ओळखल्या जाणाऱ्या कायद्यावरुन जोरदार टीका केली आहे. ट्रम्प यांनी सिनेट रिपब्लिकनना हे विधेयक मंजूर करण्याचे आवाहन केल्यानंतर मस्क यांनी भाष्य केलं."मला माफ करा पण मी आता ते सहन करू शकत नाही. काँग्रेसमधील हे विधेयक प्रचंड, अपमानजनक आणि पूर्णपणे घृणास्पद आहे. ज्यांनी याला मतदान केले त्यांना लाज वाटली पाहिजे. तुम्हाला माहिती आहे की तुम्ही चूक केली आहे," अशी एक्स पोस्ट मस्क यांनी केली. डोनाल्ड ट्रम्प यांनी नियुक्ती केल्यानंतर मस्क खर्च कमी करण्यासाठी आणि कार्यक्षमता सुधारण्यासाठी डिपार्टमेंट ऑफ गव्हर्नमेंट इफिशियन्सीमधून प्रयत्न करत होते. मस्क यांनी अनेक संघीय यंत्रणांमध्ये बदल घडवून आणण्यासाठी प्रयत्न केले. मात्र तरी त्यांना अपेक्षित असलेली मोठी बचत झाली नाही. त्यानंतर डॉजमध्ये विशेष सरकारी कर्मचारी म्हणून त्यांची औपचारिक भूमिका गेल्या आठवड्यात संपली. दुसरीकडे, व्हाईट हाऊसच्या प्रेस सेक्रेटरी कॅरोलिन लेविट यांनी मस्क यांच्या टीकेवर प्रत्युतर देताना, "या विधेयकाबद्दल ते काय विचार करतात हे राष्ट्राध्यक्ष ट्रम्प यांना आधीच माहित होते, पण मस्क यांच्या या निर्यणामुळे त्यांचे (ट्रम्प) मत बदलणार नाही. हे एक मोठे विधेयक आहे आणि राष्ट्राध्यक्ष त्याच्या बाजूने उभे आहेत," असं म्हटलं.

लाईव्ह न्यूज :

दहावीचा निकाल जाहीर

निदा खान अखेर सापडली!

कोण होणार मुख्यमंत्री?

प. बंगालमध्ये हिंसाचार

PM नरेंद्र मोदी

युद्ध संपलं की...?

"नराधमाला फाशी द्या"

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

डोनाल्ड ट्रम्पFOLLOW

Read more

राष्ट्रीय : बांगलादेशचे काय करायचे हे पंतप्रधान मोदी...; डोनाल्ड ट्रम्प यांनी भारताला मोकळीक दिली

आंतरराष्ट्रीय : काय आहे MIGA + MAGA = MEGA, ज्याचा PM मोदींनी ट्रम्प यांच्यासमोर केला उल्लेख

आंतरराष्ट्रीय : PM नरेंद्र मोदी टफ नेगोशिएटर! व्यापारापासून दहशतवादापर्यंत..; डोनाल्ड ट्रम्प यांच्या घोषणा

आंतरराष्ट्रीय : २००८ मुंबई दहशतवादी हल्ल्यातील सूत्रधाराला भारताकडे सोपवणार; ट्रम्प यांची घोषणा

आंतरराष्ट्रीय : भारतासोबत कठोर होऊन चीनला कशी मात द्याल? पंतप्रधान मोदींसमोर ट्रम्प यांनी दिलं असं उत्तर

आंतरराष्ट्रीय : Modi Trump Meeting: आम्ही एकत्र येणं म्हणजे 'एक और एक ग्यारह'; आमची ताकद विश्वाच्या कल्याणासाठी वापरू

आंतरराष्ट्रीय : त्यांची भारतात बिझनेस करण्याची इच्छा आहे, पण...!; मोदी-मस्क भेटीवर हे काय बोलून गेले ट्रम्प

आंतरराष्ट्रीय : रशियाला जी-7 मध्ये बघू इच्छितो, बाहेर करणे एक चूक होती...! ट्रम्प यांचं मोठं विधान