बाईकFOLLOW

पुणे : शहरातील सिग्नल आणि गर्दीच्या ठिकाणी कारचालकांना लक्ष्य करून मोबाइल व मौल्यवान वस्तू चोरी करणाऱ्या परराज्यीय ‘टक-टक’ गँगचा पुणे पोलिसांच्या गुन्हे शाखा युनिट-१ने पर्दाफाश केला आहे. या प्रकरणी दोन आरोपींना अटक करण्यात आली असून, त्यांनी शहरातील विविध ठिकाणी अशाच प्र कारच्या चोरी केल्याची कबुली दिली आहे. रवी ओमप्रकाश कोहली (३८) आणि अफजल कय्यूम अब्बासी (३८, दोघेही रा. मेरठ, उत्तर प्रदेश) अशी अटक करण्यात आलेल्या आरोपींची नावे आहेत.फरासखाना पोलिस ठाण्यात दाखल असलेल्या गुन्ह्याच्या तपासादरम्यान गुन्हे शाखेच्या पथकाने सीसीटीव्ही फुटेज आणि गुप्त माहितीच्या आधारे संशयितांचा माग काढला. मिळालेल्या माहितीनुसार दोघे आरोपी शहरातील एका लॉजमध्ये येणार असल्याचे समजताच पोलिसांनी सापळा रचून त्यांना ताब्यात घेतले. तपासात आरोपींनी ११ फेब्रुवारी रोजी कोथरूड परिसरात सिग्नलवर उभ्या असलेल्या कारचालकाला कारला धक्का लागल्याचे भासवून लक्ष विचलित केले आणि खिडकीतून हात घालून महागडा मोबाइल आणि पाकीट चोरल्याची कबुली दिली. याशिवाय विमाननगर चौक परिसरातही अशाच पद्धतीने कारचालकांची फसवणूक करून मोबाइल चोरी केल्याचे समोर आले आहे.आरोपी शहरातील सिग्नल किंवा गर्दीच्या ठिकाणी वाहनचालकांशी संवाद साधून त्यांचे लक्ष विचलित करत आणि त्याच क्षणी कारमधील मोबाइल किंवा इतर वस्तू चोरत असल्याचे तपासात स्पष्ट झाले आहे. पोलिसांकडून आरोपींकडून आणखी गुन्ह्यांची उकल होण्याची शक्यता व्यक्त करण्यात येत आहे.ही कारवाई गुन्हे शाखा युनिट-१चे पोलिस निरीक्षक अजित जाधव, पोलिस अंमलदार मयूर भोसले, अमित जमदाडे, हेमंत पेरणे, अनिकेत बाबर, नीलेश साबळे, शशिकांत दरेकर, संदेश काकडे, ज्योती मुल्का आणि प्रफुल शेलार यांच्या पथकाने केली.

लाईव्ह न्यूज :

पुन्हा चर्चेची फेरी की 'फैरी'?

भोंदू खरातचे काळे कारनामे

IPL मधले 'धुरंधर' कोण?

PM नरेंद्र मोदी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

बाईकFOLLOW

Read more

पिंपरी -चिंचवड : भरधाव ट्रकची दुचाकीला धडक; १५ वर्षीय मुलाचा मृत्यू, पिंपरीतील घटना

पुणे : किरकोळ वादातून बससमोर दुचाकी आडवी लावली; पीएमपी चालकाच्या डोक्यात दगड घातला, मोबाईलही फोडला

पुणे : सिग्नलवरील वाहन चालकांचे लक्ष विचलित करून मारत होते डल्ला; ‘टक-टक’ गँगच्या दोघांना अटक

ऑटो : जास्त मायलेज अन् पॉवरफुल इंजिन हवे? पाहा 150-200cc सेगमेंटमधील सर्वात स्वस्त बाइक्स

पुणे : ओव्हरटेकच्या नादात स्कूल बसची ट्राॅलीला धडक; ट्रॉली थेट दुचाकीवर, डिलिव्हरी बॉयचा मृत्यू

ऑटो : TVS Orbiter V1: टीव्हीएस ऑर्बिटर व्ही१ इलेक्ट्रिक स्कूटर भारतात लॉन्च; किंमत पाहून खूश व्हाल!

पुणे : 'खड्डा ७२ तासांत बुजविणार', नागरिक की महापालिका? रोड मित्र ॲप बंद पडल्याची अधिकाऱ्यांना कल्पनाही नाही

ऑटो : Best Mileage Bikes: एक लीटरमध्ये ७० किलोमीटरपर्यंत मायलेज; महागाईतही परवडतील 'या' ४ बाईक्स!