बस मध्ये चढताना दोघांचे मोबाईल चोरले

काशीमीरा पोलीस ठाण्यात दोन स्वतंत्र गुन्हे दाखल झालेले आहेत. 

मीरारोड - मीरारोडच्या प्लेझन्ट पार्क व हाटकेश येथील बस स्थानकावर गर्दीचा फायदा घेत बस मध्ये चढताना दोघा प्रवाश्यांचे मोबाईल चोरण्याचा दोन घटना घडल्या आहेत . 

प्लेझंट पार्कच्या संघवी टॉवर मध्ये राहणारे मुकेशभाई राखोलीया हे कामावर जाण्यासाठी बुधवारी सकाळी हाटकेश येथील बस स्थानकावर बसची वाट बघत होते.  ८ . ३५ च्या सुमारास आलेली बेस्ट बस मध्ये चढताना गर्दीत त्यांच्या खिशातील १२ हजारांचा मोबाईल चोरट्याने चोरला . दुसरी घटना प्लेझंट पार्क मध्ये राहणारे राजाराम दळवी यांच्या बाबतीत घडली.

दळवी हे कामावर जाण्यासाठी ब्रँड फॅक्ट्री येथील बस स्टॉप वर बुधवारी सकाळी थांबले होते . ९ . ३५ च्या सुमारास बेस्टची बस आल्याने चढण्यासाठी गर्दी झाली . त्या गर्दीत दळवी यांच्या पॅंटीच्या खिशातील २५ हजार रुपयांचा मोबाईल चोरट्याने चोरला . ह्या दोन्ही चोऱ्यां बद्दल काशीमीरा पोलीस ठाण्यात दोन स्वतंत्र गुन्हे दाखल झालेले आहेत.