चौदा पार्किंगवर अतिक्रमण

ठाणे शहरात वाहनांची संख्या १६ लाखांवर पोहोचलीे. मात्र, पुरेसे पार्किंग नाही. त्यासाठी आरक्षित १४ भूखंड अतिक्रमणांनी गिळंकृत केले आहेत.

घोडबंदर : ठाणे शहरात वाहनांची संख्या १६ लाखांवर पोहोचलीे. मात्र, पुरेसे पार्किंग नाही. त्यासाठी आरक्षित १४ भूखंड अतिक्रमणांनी गिळंकृत केले आहेत. काही विकासकांनी १० टक्के राखीव असलेली व्हिजिटर पार्किंगची जागा हडप केल्याने नागरिकांना आपली वाहने रस्त्यावर पार्क करावी लागतात. त्यामुळे वाहनमालक-चालक या समस्येला वैतागले असून ‘काहीतरी कर ठाणेकर’ या मोहिमेंतर्गत आता ठाणेकरांनी याविरोधात येण्याची गरज आहे. काही आरक्षणे ही राजकीय वरदहस्तामुळे पालिकेच्या ताब्यातून गेली आहेत. कोपरी, आनंदनगर या भागात बसस्थानकाजवळ रेल्वेच्या जागेत ०.१४ हेक्टरची जागा पार्किंगसाठी आरक्षित आहे. मात्र, तेथे रेल्वेने अतिक्र मण केले आहे. महाराष्ट्र जीवन प्राधिकरण इमारतीच्या पूर्वेस कोपरीत गट नं. ८६ मध्ये ०.४० हे पार्किंगचे क्षेत्र मिठागराने बाधित आहे. आनंदनगर रेल्वेलाइनलगत मध्य रेल्वेच्या ०.४८ हेक्टर जागेवर ७० टक्के अनधिकृत बांधकामे झाली आहेत. सेक्टर २ मधील ठाणे शहर आणि पाचपाखाडी भागात सिटी सर्व्हे नं. २९५ पैकी ०.२० हेक्टर खाजगी जागा जव्हारबागेसमोर असून त्या ठिकाणी ३४ अनधिकृत बांधकामे उभी आहेत.अंतिम भूखंड २४६ मध्ये ०.०८१ या जागेत ओपन स्पेस आणि पार्किंगचे आरक्षण आहे. त्या ठिकाणी निवासी आणि वाणिज्य बांधकामे झाली आहेत. सर्व्हे नं. १२३ पैकी ०.१९ व सर्व्हे २२० पैकी ०.११ माजिवडे येथे आहे. मेंटल हॉस्पिटल सर्व्हे नं. १४१ मधील ०.४१ हेक्टर ही जागा झोपडपट्टी व नाल्यामुळे बाधित आहे. सर्व्हे १४२ मधील ०.२७ हेक्टर जागा मोकळी आहे. सर्व्हे ४६४, ४६५ अ, ४६६ या सर्व्हेमधील १.७२ हेक्टर जागा मॉडेला कंपनीच्या आवारात आहे. अंतिम भूखंड ५१ मध्ये ०.१५ आणि ०.०७ हेक्टर जागेवर अतिक्र मणे आहेत.कळवा, खारेगावमध्येही अतिक्रमणकळव्यातही सर्व्हे १०१७ पैकी ०.०२ च्या पार्किंग आरक्षित जागेवर सरस्वती अपार्टमेंट ही दोन मजली इमारत उभी आहे. सर्व्हे नं ४०० मध्ये ०.४३ हेक्टर आरक्षित जागेत रेल्वेची इमारत आहे. खारेगाव पारसिकमध्ये सर्व्हे १३९, १४०, १४१ पैकी जागेत ०.९४ हेक्टर पार्किंगची जागा मोकळी आहे. सर्व्हे नं. १२६ आणि १२८ पैकी जागेत ०.२२ हेक्टर पार्किंगच्या जागेत स्वामी समर्थ मंदिर आहे. खारेगावमध्ये खारभूमीच्या जागेवर ६.४८ हेक्टर इतकी जागा ट्रक टर्मिनलसाठी आरक्षित आहे. या सर्व भूखंडांवर सोय केल्यास पार्किंगची समस्या सुटण्यास मदत होणार आहे.खारटन रोड येथील खाडीकिनारी १.६० हेक्टर जागा वाहनांच्या पार्किंगसाठी आरक्षित असली तरी त्या ठिकाणी नागसेननगर उभे राहून १८८६ झोपड्या आहेत. नौपाडा पोलीस स्टेशनसमोर सर्व्हे नं. २० अ ही खाजगी जागा आरक्षित असून सध्या ती लादी कारखानदाराच्या ताब्यात आहे.