Latest Tennis News | Tennis Marathi News | Latest Tennis News in Marathi | टेनिस: ताज्या मराठी बातम्या

लंडन - विम्बल्डनच्या पुरुष एकेरीमध्ये नोव्हाक जोकोव्हिक आणि राफेल नदाल यांच्यातील लढतीमध्ये जोकोव्हिकने आघाडी घेतली आहे. स्थानिक वेळेनुसार रात्री 11 वाजता जोकोव्हिक आणि नदाल यांच्यातील लढत थांबवण्यात आली तेव्हा जोकोव्हिक 6-4, 3-6, 7-6(9) अशा फरकाने आघाडीवर होता. केव्हिन अँडरसन आणि जॉन इस्नर यांच्यातील मॅरेथॉन लढतीमुळे लांबलेली नोव्हाक जोकोव्हिक आणि राफेल नदाल यांच्यातील उपांत्य लढतीतही रोमांचक खेळ झाला. या लढतीत नोव्हाक जोकोव्हिकने दमदार सुरुवात करताना पहिल्या सेटमध्ये नदालवर वर्चस्व राखले. त्याने या सेटमध्ये 6-4 अशी बाजी मारत सामन्यात आघाडी घेतली. मात्र राफेल नदालने लढतीत जोरदार मुसंडी मारताना दुसऱ्या सेटमध्ये जोकोव्हिकवर जोरदार पलटवार केला. नादलने दुसरा सेट 6-3 असा जिंकत बरोबरी साधली. अटीतटीच्या झालेल्या पहिल्या दोन सेटनंतर तिसरा सेटही तितताच उत्कंठावर्धत झाला. टायब्रेकरपर्यंत चाललेल्या या सेटमध्ये नोव्हाक जोकोव्हिकने 7-6(9) असा विजय मिळवून लढतीत आघाडी घेतली. अखेर स्थानिक वेळेनुसार रात्री 11 वाजता खेळ थांबवण्यात आला तेव्हा जोकोव्हिक 6-4, 3-6, 7-6(9) अशा फरकाने आघाडीवर होता. आता हा सामना शनिवारी दुपारी स्थानिक वेळेनुसार 1 वाजता खेळवण्यात येईल.

Tennis (Marathi News)

जर्मनीच्या अँजेलिका कर्बरने 6-3, 6-3 अशा फरकाने अवघ्या 1 तास 5 मिनिटांत सुपरमॉम सेरेनाचा स्वप्नभंग केला. ...