स्मार्टफोन क्षेत्रातील दिग्गज कंपनी शाओमीने आज त्यांचा नवीन फ्लॅगशिप स्मार्टफोनशाओमी १७ अल्ट्रा भारतात लॉन्च केला आहे. या नवीन स्मार्टफोनमध्ये ऑक्टा-कोर स्नॅपड्रॅगन 8 Elite Gen 5 चिपसेट आहे. अत्याधुनिक तंत्रज्ञान, हाय-एंड कॅमेरा सेटअप आणि जबरदस्त बॅटरी बॅकअप असलेला हा फोन बाजारातील इतर प्रीमियम स्मार्टफोन्सना तगडी टक्कर देईल, असा विश्वास कंपनीने व्यक्त केला आहे.
शाओमी १७ अल्ट्रामध्ये ६.९-इंचाचा Xiaomi HyperRGB OLED डिस्प्ले देण्यात आला आहे. या फोनची ब्राइटनेस ३५०० nits इतकी आहे, ज्यामुळे कडक उन्हातही स्क्रीन स्पष्ट दिसेल. फोनचे वजन २१८.४ ग्रॅम असून तो ब्लॅक आणि व्हाईट अशा दोन आकर्षक रंगांत उपलब्ध आहे. हा फोन ऑक्टा-कोर स्नॅपड्रॅगन 8 Elite Gen 5 चिपसेटने सुसज्ज आहे, जो सध्याच्या काळातील सर्वात वेगवान प्रोसेसरपैकी एक मानला जातो. यात १६ जीबी LPDDR5X रॅम आणि ५१२ जीबी यूएफएस ४.१ स्टोरेज देण्यात आले आहे. हा फोन अँड्रॉइड १६ वर आधारित Xiaomi HyperOS 2 वर चालतो.
फोटोग्राफीची आवड असलेल्यांसाठी हा फोन खास ठरणार आहे. यात ५० मेगापिक्सेल (f/१.६७ अपर्चर आणि OIS सपोर्ट) प्रायमरी कॅमेरा देण्यात आला आहे. शिवाय, यात २०० मेगापिक्सेलचा (f/२.३९ ते f/२.९६ अपर्चर, OIS सह) टेलिफोटो कॅमेरा आणि ५० मेगापिक्सेल (f/२.२ अपर्चर) अल्ट्रा-वाइड कॅमेरा मिळतोय. सेल्फी आणि व्हिडीओ कॉलिंगसाठी या फोनममध्ये ५० मेगापिक्सेलचा फ्रंट कॅमेरा देण्यात आला आहे. यात ६०००mAh ची मोठी बॅटरी देण्यात आली असून, ती ९०W फास्ट चार्जिंगला सपोर्ट करते. सुरक्षेसाठी यात अल्ट्रासोनिक इन-स्क्रीन फिंगरप्रिंट सेन्सर आणि AI फेस अनलॉकची सुविधा आहे. तसेच, धूळ आणि पाण्यापासून संरक्षणासाठी फोनला IP65 + IP66 रेटिंग मिळाले आहे.
शाओमी १७ अल्ट्रा: किंमत आणि ऑफर्स
१६ जीबी रॅम/ ५१२ जीबी स्टोरेज व्हेरिएंटची किंमत ₹१ लाख ३९ हजार ९९९ निश्चित करण्यात आली आहे. या फोनच्या खरेदीवर ग्राहकांना अनेक ऑफर मिळत आहेत. एसबीआय क्रेडिट कार्डद्वारे पेमेंट केल्यास ग्राहकांना ₹१०,००० पर्यंतचा इन्स्टंट डिस्काउंट मिळू शकतो. १३ ते १७ मार्च दरम्यान फोन खरेदी करणाऱ्या ग्राहकांना ₹१९,९९९ किमतीचा 'Xiaomi Professional Photography Kit Pro' मोफत मिळणार आहे. हा फोन १८ मार्चपासून Amazon आणि Xiaomi India च्या अधिकृत ऑनलाइन स्टोअरवर विक्रीसाठी उपलब्ध होईल.
Web Summary : Xiaomi launched its flagship, the 17 Ultra, in India. It boasts a Snapdragon 8 Elite Gen 5 chip, 6.9-inch display, 200MP camera, and 6000mAh battery. Priced at ₹1,39,999, it challenges premium smartphones.
Web Summary : Xiaomi ने भारत में अपना फ्लैगशिप, 17 अल्ट्रा लॉन्च किया। इसमें स्नैपड्रैगन 8 जेन 5 चिप, 6.9 इंच डिस्प्ले, 200MP कैमरा और 6000mAh बैटरी है। ₹1,39,999 की कीमत पर, यह प्रीमियम स्मार्टफोन को चुनौती देता है।